Nabigyan pala ng imbitasyon si MARVIN AGUSTIN mula sa FAP (Film Academy of the Philippines). Good news ang balita dahil nominado ang batang aktor para sa kategoryang Best Supporting Actor for the movie Ipaglaban Mo, the Movie II.
Buong akala nga nito, inimbitahan lamang siya nitong prestigious award giving body upang maging presentor at hindi ine-expect ng binata na magiging nominado pa siya.
In fairness to Marvin, tama lang na mapansin ang ginawang pag-arte nito bagama't maliit na role lang ang ginampanan nito sa naturang pelikula.
Nakakatuwa rin naman dahil pagkatapos niyang tumanggap ng isang recognition mula sa Star Awards bilang Most Promising Male Star kamakailan lang ay heto't nagsunod-sunod na rin nga ang papuring natatanggap ni Marvin.
And if we still remember, ganito rin ang nangyari nu'ng isang taon sa award winning young actor na si PATRICK GARCIA na na-nominate rin sa same category bago pa man ito nakatanggap ng Best Actor mula sa Star Awards.
Ngayon pa nga lang ay hindi na umaasang maiuwi ni Marvin ang Best Supporting Award ng FAP dahil sa mga beteranong aktor namakakalaban niya sa kategoryang ito including ALBERT MARTINEZ para sa Nang Iniwan Mo Ako, PEN MEDINA sa Ligaya ang Itawag Mo sa Akin at marami pang iba.
Mahirap din naman kung aasa kaagad siya. Hintayin na lang natin kung ano nga ba ang magiging kaganapan, di ba naman katotong Joey D.?