Touch naman kami kay JULIE ANN BENITEZ, ang assistant EP ng programang Ipaglaban Mo dahil binigyan niya kami ng pagkakataong mai-pictorial ang buong cast ng episode nilang Suwerte Mo Bayaw kung saan idinirek ito ng magaling na si NICK LIZASO.
Nadatnan namin sina MARVIN AGUSTIN (na siyang bida sa episode na 'yun), Jericho Rosales, Arman de Guzman, Paolo Zobel, Kathleen Hermosa, Julia Clarete, Doods Peralejo at Luigi Alvarez, kasama rin si Carlo Munoz.
Sa isang liblib na lugar sa Tandang Sora kinunan ang nasabing episode kung saan personal kaming inimbitahan ng alaga naming si Marvin na panoorin naman ang kanilang taping. Naroon na rin lang kami, hinilingan namin si Julie Ann na kung puwede ay istorbohin muna namin ang kanilang taping upang mai-pictorial ang buong cast.
Habang hindi pa kinukunan si Marvin ay niyaya muna niya kaming mag-ikut-ikot sa kabuuan ng mala-probinsiyang location nila dahil aliw na aliw siya sa nasabing lugar. Samantala, si Jericho naman ay seryosung-seryoso sa pag-eemote sa kanyang role dahil for the first time ay gumanap siya bilang killer kaya ganoon na lang ang concentration niya sa character niya.
Sina Julia at Kathleen naman ay tsika to death habang hindi sila kinukunan, for sure, mga boys ang topic nila.
Sina Arman, Paolo, Luigi at Doods ay nasa isang tabi lang habang kausap naman nila ang daddy ni Doods Peralejo na kasalukuyang nagbabantay sa nakababatang kapatid ni Rica.
Enjoy kami sa pagbisita sa set nila at sa tuwing mararamdaman namin ang magandang pagtanggap nila ay hindi kami nagsasawang suportahan ito.
Ayon naman kay Marvin, umaasa siyang panonoorin ito ng mga tagahanga niya dahil kakaibang Marvin at Jericho ang matutunghayan nila rito.