Hindi lang sina Wowie at Rico ang mga lalaking malapit kay Juday kundi pati sina MARVIN AGUSTIN at Spencer Reyes ay close din sa bida.
Lately nga ay napabalitang nanliligaw sa kanya ang dalawang binata kung saan ang tsika pa ay pareho raw nag-aagawan sina Marvin at Spencer na masungkit ang kanyang puso.
Totoo ba ito Juday?
"Of course not! Hindi yata sila nanliligaw sa akin. Paano naman sila manliligaw gayung magkakaibigan kaming tatlo.
"Kilala ko ang nililigawan ni Spencer, hindi rin kami talo ni Marvin dahil ako pa ang nagiging tulay sa kanila ni JOLINA MAGDANGAL.
"Pero ewan ko ba kung bakit na-link ako sa kanila. Shock talaga ako nang mabalitaan ko 'yon.
"Hindi ko sila papatulan, 'no?
"At hindi rin totoong 'pinapatos' ko ang lahat ng lalaking kasama ko sa Esperanza!
"Hindi ako malandi!
"Hindi ako flirt para gawin 'yun!
"Babae ako. Alam ko kung ano ang mabuti at masama para sa akin kaya hinding-hindi ako gagawa ng ano mang makakasira sa akin!
"Itigil na nila ang mga walang kuwentang isyu na 'yan dahil hindi totoo 'yan," ang huling nawika ni Juday.