Gaya niya, hataw rin ang kanyang ka-loveteam na si Marvin Agustin dahil kapapanalo pa lang nito ng New Movie Actor para sa PMPC Star Awards for Movies.
Ano naman ang masasabi niya tungkol sa kanyang paboritong kapareha sa pagkakapanalo nito?
"Ay, ang saya-saya ko para sa kanya. Nu'ng Sunday nga sa ASAP bago ang awards night, eh, niloloko ko siya. Sabi ko, ihanda na niya ang thank you speech niya dahil siguradong siya na ang mananalo.
"Ang Marvin, super-tensed at kinakabahan talaga siya that day. Ako naman, nire-relax ko siya. Pero siya talaga, naku, halata mo talagang tensyonado! Natatawa nga ako kapag tinitingnan ko siya, eh. Kasi ba naman, namumutla siya at parating nakatingin sa wala!
"Pero naiintindihan ko siya, kaya nga nire-relax ko siya, eh. Siyempre, first time nu'ng tao na ma-nominate at mahalagang-mahalaga 'yon para sa kanya. Siguro iniisip niya kung ano ang sasabihin niya kung siya ang mananalo.
"Kung hindi naman siya, siguro iniisip din niya kung ano ang sasabihin niya, 'di ba? Kaso 'ayun nga, sinuwerte siya and I'm very happy for him," tsika pa rin niya.
Binanggit ni Marvin ang pangalan niya sa thank you speech sa nakaraang Star Awards for Movies at ibinahagi rin niya ang tinamong karangalan sa kanya, anong sey niya?
"Well, I'm happy, really I am. Kami kasi ni Marvin, hindi lang pang-loveteam 'yung pagkakaibigan namin, totoo 'yon. Actually, siya ang bestfriend ko.
"Mas madalas kaming magkasama at nagkakausap kaya komportable na kami sa isa't isa. Nu'ng binanggit niya ang pangalan ko, natuwa siyempre ako dahil hindi niya ako nakalimutan," mabilis pang sagot nito.