Hindi ko pa nababati si MARVIN AGUSTIN for winning this year's New Movie Actor sa PMPC Star Awards
for Movies. Medyo late na ito pero better late than never, di ba?
Baka isipin niya, hindi ko man lang siya na-greet samantalang I was mentioned in his acceptance speech. I'm proud of you,
Marvin. You deserved the award more than anybody else. Nakita ko kasi how you grow bilang isang aktor. Aminado akong ang
laki ng improvement mo sa akting. May lalim na 'ika nga. Nakatulong siguro 'yung mga past experiences mo.
Honestly, sa tagal ng pagsasama natin bilang magka-loveteam, nakita ko 'yung development mo as an actor. Nagugulat nga ako
minsan dahil talagang dumarating ka sa set on time, handa na for a take at memoryado na ang linya mo.
Unlike noon nagsisimula ka pa lang, naku, nangangapa ka pa. Of course, I understand that. Baguhan ka pa lang noon at wala
pang masyadong alam sa pasikut-sikot sa mundo ng pat-arte. Pero ngayon, ibang-iba ka na. Ang laki ng ipinagbago ng akting mo.
Congrats, Marvin! Deserving ka sa award na ibinigay sa iyo. At sana ay hindi ka magbabago. Kung ano 'yung pagkakakilala ko
sa iyo noon, sana ganito pa rin as time goes by. Mahirap ilagay sa utak 'yung konting tagumpay. Baka lumubo ang ulo mo. Of
course, I know na hindi ka naman ganoon pero mas mainam na 'yung nire-remind ka paminsan-minsan. This is for your own
good. Right, Marvin?