Yes, tuloy na rin 'yung launching movie naming dalawa ni MARVIN AGUSTIN. May working title ito na OKAY KA LANG, from Star Cinema. Hindi ko pa nga lang alam kung sinu-sino 'yung makakasama namin ni Marvin sa pelikula. Pero tiyak na mabibigat ang magiging suporta namin. Alam kong hindi kami pababayaan ng aming mother studio. Actually, very excited na akong maumpisahan ang bagong movie namin ni Marvin. Mag-uumpisa kami ng shooting on May 1. Sa Baguio City ang location namin. we'll stay in Baguio for at least ten days. Dire-diretsong trabaho talaga. Kaya tiyak na mami-miss ninyo ako sa ilang shows ko sa ABS-CBN dahil magli-leave muna kami as soon as the shooting starts. Tiyak na walang dull moments sa set. Kilala n'yo naman si Marvin, kalog na tao 'yan.
Lalo kaming naging very close sa isa't isa. As time goes by, mas tumitindi 'yung samahan naming dalawa. I'm praying hard na sana ay lalo pang maging matatag ang friendship namin. Although, I know for a fact na gamay na gamay na namin ang bawat isa. For so many years, we're able to establish a different kind of friendship na mahirap ko nang matagpuan sa iba. Marvin is a man I can truly rely on. Ibang klase talaga siya. I hope we stay like that nang marami pang taon.