Hindi natupad ang balak ng maglabtim na sina Jolina Magdangal at MARVIN AGUSTIN na magsama sila sa La Union for the Holy Week vacation. Ang alis sana ng buong tropa ay sa Maunday Thursday. Holy Wednesday pa lamang ay masama na ang pakiramdam ni Marvin. Ang paisa-isang pag-ubo ay naging pulmonya na pala.
"Kaya nga, malungkot ako nu'ng Holy Week eh. Ako lang mag-isa together with my parents. Wala tuloy akong kalaro. wala akong kabiruan," paismid pang sumbong ni Jolina nu'ng makausap namin siya sa telepono right after their grand vacation sa isang resort sa La Union, sa isa nilang kamag-anakan.
"Pero, I understand naman kung bakit 'di siya nakasama. Nu'ng wednesday kasi, dumaan ako sa bahay nila. Sabi nga niya, may sakit daw siya. With my own eyes, kitang-kita ko kung paano siya nagdurusa with flu, kaya't pilitin ko mang makasama siya, aawayin ako ng doktor niya," pabiro pang sagot ni Jolina sa amin.
Talagang consolation ni Jolina ay ang marinig nito ang boses ng kanyang suitor sa cellphone. Araw-araw ay tumatawag si Marvin from his residence sa Don Antonio Village, Fairview.
Parang ngang long-distance love affair," hirit pang tawa ni Jolina.
Sa tingin namin sa dalawa, tipong pagkahaba-haba man ng kanilang tinatahak, sa simbahan din ang tuloy. Nandodoon kasi ang tunay at hindi pekeng kilig everytime na nababanggit ang pangalan ni Marvin sa kanya. Kuhang-kuha pa ni marvin ang mga weaknesses ng dalaga.
"Always, nararamdaman ko na may time siya sa akin. Pinapa-feel niya 'yon sa akin. Like do'n nga sa la Union, tawag nang tawag 'yan or beep nang beep 'yan. Doon nga sa Buso-Buso (location ng kanilang Esperanza), bababa pa 'yan ng downtown Antipolo, para makakuha ng signal. Para lang matawagan ako. How sweet talaga siya, 'di ba?" at kinikilig muli si Jolina.