Pati ang humahabang buhok ni Marin ay kanya pinakialaman. Pinaputulan ni Jolina ang buhok ni Marvin. Ang ending, masyado raw naigsian ng hairdresser ang buhok ni Marvin at nagtatampo ito sa pakikialam ng kanyang kalabtim.
"Heto na! Sinisisi niya ako sa buhok niya," umpisang kuwento ni Jolina tungkol sa hinampo ni Marvin sa kanya sa pamimilit paiklian ang kanyang buhok.
"Pinapatanggal ko lang 'yong buntot niya rito," minumuwestra pa ni Jolina kung hanggang saan nito gustong umikli ang buhok ni Marvin. Mataas ng konti sa may batok.
"Hindi ko naman sinabi patapyasan niya hanggang alimpuyo. 'Yon lang nakatikwas sa likod ang naaasiwa ako. E, nu'ng bumalik sa akin, natapyas na. Mataas ang pagkakatapyas at wala na akong magagawa." kuwento pa nito sa amin.
"Tuloy, sabi ko sa kanya, nagmukha siyang tibo. E, 'yon naman ang sabi niya sa bagong gupit niya. Nagmukha raw siyang tomboy. Nagulat ako. Pero sabi ko cute naman, ah," nakangising sabi pa ni Jolina.
Halos lahat daw kasi ng kanyang mga suggestions ay sinusnod ni Marvin.
"Oo naman. Kasi, lahat naman nang ginagawa ko sa kanya is for his own good. Na, hindi para papangitin siya o pagtawanan siya," buwelta pa ni Jolina.
May kuwento rin si Jolina sa pagiging close ng mga Magdangal at pamilya Agustin. Feeling mag-balae na nga raw ba ang dalawang pamilya?
"Nagkakasundo-sundo lang siguro," nahihiyang bitaw pa ni Jolina.
"Masaya. Kasi, sa lahat naman ng babae, 'yon ang hinahanap-hanap nila, ang magiging magkasundo ang kanilang mga pamilya. Although, ang sabi naman nila ang makikisama sa 'yo ay 'yong lalaki, di ba? Kaya lang, mas maganda ngang nagkakasundo-sundo kayong lahat. Para mas free at legal ang lahat ng mga ginagawa n'yo," katuwiran pa ni Jolina.