Sa pagpili ng lalakeng mamahalin ay open din si Jolina sa kanyang mga magulang. She lets her family know kung anuman ang nararamdaman niya.
"Siyempre it's their right to know that's why I'm open to them Although, they are not the type na namimili ng magiging mamahalin ko, siyempre tinitingnan pa rin nila kung ano ang ikabubuti ko; kung hindi ba ako masasaktan o magiging maayos ba ang magiging kinabukasan ko. In the case of MARVIN AGUSTIN naman, kung saka-sakaling maging kami halimbawa, okey lang naman sa kanila. Kasi Marvin naman is a very responsible man. Although, siyempre, in terms of family background, siyempre tinitingnan din naman ng parents ko 'yon. 'Yung kay Marvin naman, okey lang naman 'yon. Although sometimes hindi mo rin maalis sa kanila na mag-worry dahil kung saka-sakali'y baka maging kontrabida ako sa family niya dahil nga bread winner siya," pahayag ni Jolina.
Does this mean na talagang kino-consider na niya si Marvin?
"Well, mas lalo kaming close ngayon. Although siyempre ayoko pa ngayon ng commitment. Kasi nga mas ini-enjoy din namin 'yung close kaming gano'n. Hayaan na lang na muna na mas lalong nadi-develop para pagdating ng tamang panahon, eh, mas magiging maganda ang kahihinatnan," wika ni Jols.
Sa ngayon ay very busy si Jolina dahil sisimulan na rin ang kanilang launching movie ni Marvin.
"Well, sa wakas, sisimulan na rin 'yon, and natutuwa naman ako although wala pang title ito. And sana tuluy-tuloy na rin ito," dalangin ni Jolina.