Nakaakda kaming umakyat ng Baguio for 2 weeks dahil doon ang location shooting namin ni MARVIN AGUSTIN ng aming launching movie. At least doon kahit tanghaling tapat ay malamig pa rin. Mabuti na lang kamo't doon ang aming location otherwise baka hindi kami makapag-concentrate.
Excited na akong maumpisahan ang project because this is one film na masasabi kong sa amin talaga ni Marvin. Tipong kami ang magdadala dahil kaming dalawa ang bida rito dahil launching ito ng aming loveteam.
Nakakatakot pero gagawin namin ang lahat para huwag masira 'yung tiwala ng mga sumusuporta sa amin. Alam din namin na hindi ninyo kami pababayaan, di ba? Susuportahan ninyo kami all the way. Dahil alam namin ni Marvin na labs na labs ninyo kaming dalawa.
It's nice to be paired with Marvin again sa isang malaki at magandang pelikula. Of course, walang duda na mahusay talaga si Marvs. Mananalo ba siya ng award kung wala siyang lalim umarte? New movie actor of the year yata 'yan! At siyanga pala, kahit hindi siya nanalo sa FAP, gusto ko rin siyang i-congratulate for his best supporting actor nomination. He deserves that dahil alam kong pinaghirapan din niya kung ano siya ngayon. I personally can attest to that. Kumbaga, nasubaybayan ko 'yung takbo ng career niya. He started from nothing hanggang dumating 'yung pagkakataong sumikat siya nang husto. Sana lang magtuloy-tuloy ang suwerteng dumating sa kanya. Keep up the good work Marvin. nakikita kong eventually ay magiging isang multi-awarded actor siya in the future. Huwag lang siyang magbabago and he'll definitely go places. At huwag din lalaki ang ulo niya.