Last week, nasa Baguio ako for the shooting of OKAY KA LANG with my favorite leading man, MARVIN AGUSTIN para sa launching ng aming movie. Bumaba lang kaming dalawa dahil sa taping ng aming Onli in Da Pilipins. Sagad-sagaran ang trabaho namin ni Marvin.
Sa unang araw ng aming shooting, talaga namang excited kaming dalawa ni Marvin. Very condusive ang location namin kaya ganadung-ganado kaming dalawa. Tatapusin muna namin lahat ng scene namin ni Marvin together at saka lang magsisiakyatan ang iba pang miyembro ng cast.
Basta't enjoy kami sa trabaho namin. Walang dull moments kasi talagang at ease na kami sa isa't isa. Kumbaga gamay na gamay na namin ang bawat isa. Iba siyempre ang feeling kapag kasama mo ang isang taong very special sa puso mo. Feeling secured ka, di ba? Ganyan ang pakiramdam ko kapag kasama ko si Marvin. Besides my parents, feeling secured talaga ako kapag si Marvin ang nasa tabi ko.
Hindi ko rin nga maipaliwanag pero iba na 'yung samahan namin ni Marvin. We're able to establish a different kind of relationship. Most probably because matagal na kaming magkakilala at magkasama sa trabaho. Bata pa lang ako, magkakilala na kami. Ngayong nagdadalaga na ako, kami pa ring dalawa.
Hindi natin maililiko ang katotohanang tipong we grew up together. Kumbaga, alam na naming mga sikretong kami lang ang nakakaalam. He knows mine at ganoon din ako sa kanya. Wala nang lihiman. Kaya nga nakakasakit ng damdamin kapag nakakabasa ako na ganito o ganyan si Marvin. Kilalang-kilala ko na siya. Sa tagal ng pagsasama namin, wala na siyang inililihim sa akin at sa pamilya ko. And that makes Marvin very special to me.
Tuloy nami-misinterpret ng iba 'yung sweetness namin. Actually, on and off the camera, andoon 'yung sweetness namin. Kulang na nga lang magsubuan kami ng pagkain. Ganoon kami ka-close na dalawa. Kung anuman kami ngayon ni Marvin, siguro dahil pinanday ng panahon ang samahan namin. Pinagtibay ng mga intriga at isyung wala namang katotohanan. In a way, naaapektuhan ako but who cares? Ang importante, alam namin kung ano ang totoo at hindi. Kung ano ang tama at mali. Bagay na pagpapatibay ng pagiging magkaibigan namin.
At any rate, nagiging senti yata ako this week kaya lang I can't help it. Ipinagtatanggol ko lang si Marvin sa mga taong patuloy na naninira sa kanya. Ang masasabi ko lang, Marvin is a nice fellow na walang ibang pangarap kungdi mabigyan ng magandang kinabukasan ang kanyang pamilya. And with that, lalo lang siyang napapalapit sa akin.