Natuloy na rin sa wakas ang pagsasapelikula ng launching movie nina Jolina Magdangal at MARVIN AGUSTIN. Umakyat papuntang Baguio City kung saan naglo-location shooting ang grupo noong nakaraang Mayo 6, kung saan naman inabot ng malakas na ulan ang grupo. Tuloy, naunsyami ang dapat sana'y kukunang outdoor scenes ng dalawa. Para sa grupo, hindi naman daw "killjoy" ang pagbuhos ng ulan, bagkus ito raw ay isang magandang senyales sa kanilang first shooting day.
"Good sign daw 'yung ulan sa unang araw. Kaya no'ng bumuhos ang ulan, nag-enjoy na lang kami ni Marvin sa pagkukuwentuhan. Sa bandang gabi, niyaya niya akong mamasyal. Later in the evening, kumain kaming dalawa salabas.
"Enjoy naman kami kahit na 'yung sumunod na araw ay bumaba ulit kami ng Maynila para naman sa teyping ng Onli in da Pilipins, bungad na kuwento pa ni Jolina.
Kumita ang movie nina Judy Ann Santos at Wowie de Guzman, kaya't naging matatag muli ang tambalan ng dalawa. Ano naman kaya ang expectations nina Jolina at Marvin sa malapit na ring playdate ng kanilang Okey Ka Lang, ng Star Cinema?
"Of course, positive naman ang expectations namin na itong movie namin ni Marvin ay aabangan ng mga tao. For the fact na iba ang approach ng aming director dito na si Jerry Sineneng. Hindi na kami 'yung masyadong pa-sweet-seet ni Marvin dito. Nag-bold nga si Marvin dito, eh" pabirong sagot pa ni Jolina.
Ang "bold scene" ni Marvin ay ang eksenang kunwa'y sisilipan niya sa banyo si Marvin habang naliligo. Dito, si Marvin ay nakasuot ng kanyang briefs habang nasa banyo at naliligo. Nakitaan niya si Marvin?
"Susme naman!" natatwang sabi pa ni Jolina. "Dinaya naman 'yung kuha, eh. No'ng kunwaring sumisilip ako sa bintana ng banyo, wala na si Marvin do'n. Suggestive lang, kumbaga, 'pag pinanood mo, akalain ng mga tao na nakita ko nga. Eh, ano naman kung makita ko, 'di ba?" pabiro pang sagot ng dalagang singer na ngayo'y magaling na ring young actress.