Sa mga nagsusulputang new breed of actors and actresses, hinuhulaang sina MAJ din ang magtatagal dahil mayroon silang chemistry sa isa't isa. Maraming nakaka-relate sa kanilang "relasyon" ni Marvin. Normal na ksi sa dalawa ang naghahabulan, naghahampasan at minsy'y nagkakandungan.
"Happy kami ni Marvin kung ganu'n ang pagtanggap ng mga tao sa amin. Meron pa ngang nagsasabi na junior Maricel at William kami," referring to Maricel Soriano at William Martinez.
Kaya lang, mas gugustuhin ng dalawa na magkaroon sila ni marvin ng kanilang sariling identity. Kung sinasabihan silang malapit sa Buy and Pip ng 70's, at Maricel-William naman sa iba, mas matutuwa daw ang mga ito kung sila'y matatanggap ng mga tao bilang Jolina at Marvin in their own respective image. Mahirap nga raw ang maging copy cat dahil madaling pagsawaan ng mga tao.
"Palagay ko, i-identify ka man sa iba kung meron ka naman io-offer na iba sa mga fans, mas makabubuti ang gano'n."
Kaya lang, sa isang hiwalay na panayam kay Marvin, nabanggit nito na may plano ang Talent Center na balang araw ay susubukang i-partner sa ibang lead stars sina Jolina at Marvin. Para naman daw huwag silang matali bilang loveteam.
"Love team is good. Kaya lang ang disadvantage nga lang, baka hindi kayo matanggap ng mga tao na may iba kayong kapareha. That's why, dito sa Okey Ka Lang, magkakaroon yata ng love triangle dito," bilang paghahanda daw sa future switching of partners sa dalawa.
"Hindi pa siguro ngayon. Mga more or less four pictures pa," pang-a-assure pa ng dalaga.