Sa loob ng ilang araw na nagsama sa isang bahay sina MAJ, mas lumalim na raw ang relasyon nila kesa sa rati. Nakatulong daw nang malaki ang klima sa Baguio.
"I can say na lumalim talaga 'yong relasyon namin. Kasi, kapag may free time at malamig, masarap magkuwentuhan ng seryoso. Kasi, hindi mainit, hindi nakakairita. So, masarap 'yong mga kuwentuhan with matching kain," bungad ni Jolina.
Pinagluluto pa raw siya ni Marvin doon?
"Oo, nagkaroon kami ng daily routine na noong umuwi kami ng Manila, na-miss ko. Like 'yong every morning, sabaykaming pumupunta ng shooting. Tapos kapag pupunta na siya sa bahay, magluluto na 'yan, iniinit niya 'yong ulam namin. Minsan, mas maagang dinadala 'yong food namin. So, by the time na tapos na kaming maligo lahat, malamig na. Iniinit niya 'yon. Tapos, sabay kaming magtu-toothbrush."
Kung tutuusin, para na rin silang nagbahay-bahayan ni Marvin sa Baguio. Puwede na ring isiping ang relasyon nila ay more than friends na.
"Ganoon? Well, siguro nagka-develop-an lang talaga. Pero 'yong sa akin kasi, ayoko pa ng commitment. 'Yon ang pinaninindigan ko."
Bakit nga matatagalan pa bago niya sagutin si Marvin, considering na sa rating niya, almost perfect na ito bilang manliligaw?
"Kasi parang ayoko ng basta-basta lang. Wala na naman siyang kailangang gawin para i-please ako. Siguro, 'yong pagiging matiyaga na lang niya ang kailangan niyang i-maintain. Ipakita niya sa aking talagang mahal niya ako. Kailangang patunayan pa niya. Kasi, hindi mo mabe-base 'yon sa porke't nagkasama kami sa Baguio mapapakita niya na roon lahat. Kaya siguro siya sweet sa akin sa Baguio, dahil lagi kaming magkasama. What will happen kung wala na kami sa Baguio, kung nandito na kami, kung 'yong regular na ang schedule namin na pareho kaming busy ngayon na hindi kami nagkikita, 'di ba? Naging busy kami pareho no'ng bumaba kami ng Manila. Nagkahiwalay kami at 'di nagkita bukod sa araw ng mga taping namin. Gusto ko munang makita 'yong sincerity niya gaya no'ng nasa Baguio kaming magkasama. Siguro, puwede mong sabihing special friends, pero hindi ibig sabihing boyfriend ko na si Marvin, kasi sinabi ko sa kanya, 'I'm so happy 'pag kasama kita, kumportable ako.' 'Yon lagi ang sinasabi ko sa kanya."
Hindi kaya may mutual understanding na sila ni Marvin?
"Puwede ko na nga sigurong sabihing MU na kami at masaya sa isa't isa. Kumbaga, more than friends but we don't have any commitment at all. Kumbaga, ayokong sabihin ng mga taong gumigimik lang kami para sa movie. Ayoko ng ganoon. Ang gusto ko, kaya ko siya sinagot dahil talagang ready na ako for commitment. For me, ang pakikipag-boyfriend ay hindi biru-biro."
Karamihan sa mga magkakapareha on screen na nagshu-shooting sa Baguio ng launching movie nila as loveteam ay nagkakatuluyan. Gaya na lamang nina Sharon Cuneta at Gabby Concepcion, Pops Fernandez at Martin Nievera. Hindi kaya unang senyales ito na sa huli'y sila pa rin talaga ni Marvin ang magkakatuluyan?