Usap-usapan pa rin hanggang ngayon ang balitang nagkukulong daw sa isang kuwarto si Jolina at Marvin habang ginagawa nila ang ilang eksena sa Baguio. Pero itinatwa ni Jolina ang balita. Ayon sa aktres, kahit close sila ni Marvin, hindi kailanman nila ito magagawa.
"Kung sakali mang magkulong kami sa isang kuwarto, hindi lang kaming dalawa ni Marvin ang nasa loob. Nandun ang make-up artist ko, ibang staff, mga alalay at siyempre, hindi mawawala dun ang mga magulang ko. Kaya hindi naman siguro masama kung nandun din si Marvin, dahil katulad nga ng sinabi ko puno ng tao ang kuwarto. Kaya 'yong kulong-kulong isyu na 'yan, walang katotohanan 'yan. Gawa-gawa lang 'yan ng mga taong walalng magawa sa buhay. Saka hindi ko masyadong pinapansin ang ganyang mga balita. Basta ako, magtatrabaho nang magtatrabaho para sa kinabukasan ko."
Sinabi ng iba, hindi magiging makulay ang takbo ng buhay ng isang tao kung wala siyang inspirasyon. At kaya raw maaliwalas at makulay ang showbiz life ni Jolina ay dahil daw kay Marvin. Totoo ba ito. Jolina?
"Simula nang maging kalabtim ko si Marvin, naging masaya na ang paligid ko. Kumbaga naging makulay ang aking buhay nang magkakilala kami ni Marvin. marami akong naging kaibigang lalake, pero iba talaga si Marvin sa kanila. Iba ang dating ni Marvin sa akin. Kung meron man akong lalaking crush sa ngayon, si Marvin Agustin 'yon. Simula nang magkakilala kaming dalawa, palagi na akong masaya. Para sa akin isa siyang tunay na kaibigan. Yes, we're more than friends, pero wala kaming commitments. Saka hindi pa panahon para mag-commit kami sa isa't isa. Bata pa naman kami, saka na muna ang commitments. Basta ang mahalaga, masaya kaming magkasama ng aking kapareha lalo na kapag may ginagawa kaming pelikula." huling mga kataga ni Jolina.