Pinabulaan din ni Jolina ang balitang sinigawan daw ng mommy niya si Marvin at pinagsabihan ng "Get out of my daughter's life!" Unang -una raw ay wala sa karakter ng mommy niya ang manigaw - lalo na sa tulad ni Marvin.
"Nagulat ako sa nasulat na balitang 'yan dahil si Mommy, never 'yan nakikialam sa tinatakbo ng career ko. At si mommy, hindi iyan yung tipong maninigaw at magsasalita ng masakit. Nagtataka nga ako kung saan nanggaling ang balitang 'yan at bigla-bigla na lang. Hindi rin maintindihan ni mommy kung kelan nangyari ang eksenang 'yon. Mali 'yung balita at ang pinakamali ay dinamay nila si mommy ko."
Sey pa ni Jolina na kung sino raw sa kanilang dalawa ng kanyang mommy ang pinaka-concer kay Marvin, ito raw ay ang mommy niya.
"kung alam lang ng nagsulat ang mga ginawa ni mommy kay Marvin, eh, magugulat siya. Minsan no'ng nagsu-shooting kami sa Baguio, nagkasakit si Marvin at suka siya nang suka. Si mommy ang nag-alaga sa kanya hanggang sa gumaling siya. Tsaka si mommy lagi niyang ginagawang good example ang mga experiences ni Marvin. Very responsible na bata raw kasi si Marvin and sa edad niyang iyon na sana ay nag-e-enjoy siya sa kinikita niya ay inuuna pa nito ang pamilya niya. Kabaligtaran nga ng lahat ng naisulat na 'yon. Maraming may kilala kay mommy at alam ng marami ang ugali nito. Sana naman ay kung gagawa sila ng gimik, sana ay huwag ganito dahil nilalagay nila sa alanganin si mommy."
Pakiusap nga ni Jolina na sana ay maging fair ang mga nagsusulat tungkol dito. Maging responsible naman daw sana sila.
"Kung sana nag-research muna sila about it, hindi ganito ang mangyayari at siyempre, hindi ako magsasalita ng ganito. Alam kong may pelikula kami ni Marvin pero hindi namin gusto 'yung mga pinalalabas nilang tsismis. Hindi kasi maganda at parang sinisiraan kami. Sa issue na ito kasi ay dapat si Marvin ang magsalita para i-prove niya na hindi totoo ang balita. I mean, sangkot siya sa issue kaya he has to say something. My mother has nothing to explain dahil wala siyang ginagawang masama kay Marvin kundi puros kabutihan ang pinakita namin sa kanya from the start."