It is rather sad na ang dating tahimik na mundo ni Jolina ay kinukulapulan na ngayon ng intriga. Ngunit hindi nga yata mapipigilan ang ganitong mga bagay dahil sa patuloy niyang pagsikat. If we are going to believe ang mga isnasabi sa mga pahayagan, Jolina's mom was quoted as saying "Get out of my daughter's live", which was obviously referring to Marvin Agustin. Sa mga pangyayari lumalabas na tutol ang mga magulang ni Jolina sa umuusbong pagmamahalan nila ni Marvin. Totoo ba ang lahat ng ito?
"I know my Mom very well. Malabong sabihin niya ang ganoong mga bagay. Sa totoo lang napaka-close nga ni Mommy kay Marvin. Siya na halos ang tumatayong second mother niya especially pag magkasama kami. Like 'yung halos isang buwan naming pag-stay sa Baguio si mommy ang nag-aasikaso sa kanya. There was even a time na kulang siya sa mga damit. My mom went out of her way para ipili siya ng gagamiting mga sweatshirts and cardigans para may magamit siya sa shooting namin. So doon pa lang ay talagang masasabi na maganda na ang pakikitungo namin sa kanya," tuluy-tuloy na depensa ni Jolina.
So, kung hindi totoo ang mga balita, hindi kaya nanggaling sa kampo ni Marvin ang mga ito para lumabas isyang underdog sa kuwento?
"Malabo naman magsalita si Marvin ng ganu'n. Siya mismo ay saksi sa magandang trato sa kanya ng mommy ko. Nu'ng na-food poison nga siya sa Baguio, nag-alala talaga ang mommy ko para sa kanya. At lahat ng 'yun ay totoo. Kumbaga hindi lang 'yun dahil sa magka-love team kami kung hindi dahil talagang may malasakit ang mommy ko sa kanya. Ayokong isipin sa kampo ni Marvin nagsimula 'yung kuwento. If ever na gusto nilang gawing underdog si Marvin sana naman not at my expense. Kasi kung paniniwalaan ng mga tao 'yung mga nasusulat parang lumalabas na inaapi namin si Marvin which is not true," patuloy pa rin ng dalaga.
So ibig bang sabihin niya na malayang-malaya si Marvin na pumunta sa kanila para manligaw?
"Oo naman. Wala namang nagbabawal sa kanya na pumunta rito. He could go here anytime he wants to. Nineteen na naman ako hindi na ako bata kaya ang mga parents ko open na sa idea na talagang puwede na akong mag-boyfriend anytime. Kaya nga natatawa ako kapag nakakabasa ako na tipong ayaw daw ni Daddy o ni Mommy sa kanya. Kasi everytime na nandito siya mahusay naman ang pakikiharap sa kanya. Hindi ko nga alam kung saan nanggaling ang balitang 'yan."