May nagsasabi na if ever hindi kumita ang movie ninyo ay ila-loveteam na si Marvin kay Rica Peralejo. Nagsimula na ito nu'ng mag-guest si Marvin sa Star Drama ni Rica at ngayon ay pareho silang product endorser ng Blowing Bubbles.
"Yung pag-guest ni Marvin sa Star Drama ni Rica, natural lang 'yun. Kahit naman ako nag-ge-guest sa ibang TV shows na hindi siya ang ka-partner ko. Hindi naman kasi puwedeng laging kami na lang ang magkasama dahil hindi naman kami package deal. Basta ako open ako sa lahat ng bagay. Na puwedeng mawala 'yung loveteam namin ni Marvin any moment. Walang permanenteng bagay sa mundo. Basta ako, lahat ng magagawa ko ay ginawa ko na para gumanda 'yung samahan namin ni Marvin. Now if it is not enough, wala na akong magagawa pa roon."