Labs ba talaga ni Jolina si Marvin? Kung mag-sweetheart na sila, makikita ba ito sa launching movie ng kanilang loveteam?
"Inaamin ko na naman na mahal ko si Marvin, pero ito iyong love ng isang mag-bestfriend, ng dalawang taong close sa isa't isa. Kung sasabihin ninyong ang sweet namin sa movie, iyon lang ang dapat namin gawin dahil iyon ang hinihingi ng role namin. We make it a point na bago kami mag-take ay pinag-uusapan namin kung ano at kung paano namin gagawin ang eksenang iyon. Natatawa na lang ako kapag may nagsasabing sinagot ko na raw si Marvin noong nasa States kamin para sa isang Centennial show. Pagkatapos ay nag-break na raw kami. Paano naman kami magbi-break ni Marvin kung hindi pa naman kami mag-boyfriend. Sa palagay ba ninyo, kung totoong mag-sweetheart kami ni Marvin ay makikipag-break ako sa kanya ngayong nagpu-promote kami ng movie namin. Siyempre, ipi-play up pa namin iyong pagiging mag-sweetheart namin para sa kasiyahan ng mga fans namin. Basta kami ni Marvin, kilala namin ang isa't isa at close kami talaga."
Nag-react nga si Jolina sa balitang tinarayan ng Mommy niya si Marvin at pinalalayo raw ng Mommy niya si Marvin sa buhay niya.
"Napaka-unfair naman ng gumawa ng balitang iyon kay Mommy. Baka hindi niya alam na mahal at concerned din si Mommy kay Marvin, lalo na kung may problema siya. Kahit pa siguro tanungin ninyo si Marvin, tiyak kong wala siyang sasabihing hindi maganda kay Mommy. In fact, mas una nga niyang niligawan si Mommy kaysa sa akin. Malambing kasi si Marvin at una niyang nilambing ang mommy ko. Alam ba ninyo na kapag dumadalaw siya sa bahay, kung minsan, si Mommy ang may pasalubong, ako, wala."
Hindi naman inililihim ni Jolina na nanliligaw talaga sa kanya si Marvin, pero iyon nga, huwag daw siyang madaliin dahil pareho pa naman silang bata ni Marvin at marami pa silang commitments hindi lang sa kanilang mga fans, kundi sa kanilang mga pamilya. At siguro, dapat ding ipaalam ni Jolina na nasa kanyang mga commercial contracts, stipulated doon na hindi siya puwedeng makipag-bf habang naka-kontrata siya sa nasabing commercials. Inamin din ni Jolina na totoong noong araw, mahigpit ang mommy niya sa mga suitors niya. Ini-screen daw nito ang mga tumatawag sa kanya na kung minsan, kapag alam ng mommy niya na nagpapahinga na siya, hindi na siya pinapakausap nito. Nakaranas na nga raw si Marvin na ma-screen ng mommy niya noon, pero ngayon ay hindi na, lalo na noong sila na nga ang bini-build up na loveteam. Kaya never nga raw na ngayon pa tatarayan ng mommy niya si Marvin. How true na baka sa susunod na movie,hindi na sila magkasama ni Marvin? Mas guston nitong mag-solo na?
"Okey lang sa akin iyon, lalo pa kung makaktulong sakanya iyon. Ako, naniniwala rin ako na dapat mag-grow ang isang artista at hindi dapat na mai-link siya sa kanyang ka-loveteam. Alam ko rin kasi na hindi forever ang mga loveteams. Siyempre, darating din iyong time na puwedeng magsawa ang mga fans na laging kami ang nakikitang magkasama."