Napanood niyo ang premiere telecast ng Richard Loves Lucy? Just in case hindi, gusto kong ipaalam na maganda ang feedback ng programa.
Wala doon si Marvin. Ako lang ang solong nandoon. Si Marvin kasi, meron ding drama series. Ang title naman ay Sa Sandaling Kailangan Mo Ako. All star cast din iyon. Matitindi ang mga kasama niya doon.
Sa mga nagtatanong nga pala kung totoo nga bang tsugi na 'yung loveteam namin, ang masasabi ko lang po, hindi pa naman talagang hiwalay, mas gusto lang ngayon ng network namin na hindi kami nakikitang palaging magkasama.
We still want to be together bilang magka-loveteam pero may mga pagbabagong hindi namin puwedeng maiwasan. Para sa aming mga fans, sooner or later we will be together again.
Hintayin na lang nila 'yung pelikulang pagsasamahan namin ulit ni Marvin. Hindi ko lang alam kung kelan 'yong uumpisahan. Basta hintayin na lang nila.