Sa ngayon nali-link si Marvin sa iba't iban pang artistang babae. Naririyang ma-link siya sa mga pangalang Kristine Hermosa, Amy Perez....
"Ano ba 'yan?!" natawa nitong sambit agad. "Ewan ko...ewan ko...ang dami ko ring naririnig. Pero quiet lang ako right now, kasi ano naman ang mase-say ko roon? Kung totoo man 'yun, eh..."
Ano 'yun, wala ba sa kanila 'yung tipong silent rule sa pagitan nila na hindi sila dapat ma-link or ma-identify sa iba as long as they are still playing as loveteam or habang may ginagawa silang pelikula?
"Hindi kami nakapag-usap tungkol sa bagay na yan. Bigla na lang lumabas, eh. Before...oo! 'Yung talagang friendship lang ang nasa isip namin na wala pang love-love...'Yung wala ganoon-ganoon. Hanggang sa ma-develop na kami, eh, nagkaroon nga kasi ng communication gap, so may nali-link sa kanya, may nali-link din sa akin. Siguro, ang matimbang na lang 'yung alam namin ang totoo at alam namin ang hindi. Kasi, minsan hindi mo naman talaga maiiwasan na may nali-link. Minsan hindi mo naman alam, may inili-link na pala sa 'yo, kahit wala naman," sabi pa niya.