1. Di na raw mainit ang MAJ loveteam na nagsimula noong word war nila sa print?
"In fairness, meron rin following ang loveteam namin, no! Hindi naman siguro kikita 'yung pelikula namin kung hindi kami sinusuportahan ng mga fans. Pero kung 'yon ang opinyon nila, okey lang. Hindi pa lang siguro nila nakikita na palagi kaming magkasama ni Marvin. Baka hanggang ngayon, eh, nakatanim pa rin sa isip nila yung pag-aaway namin noon. Alam niyo, may ganu'n kasi, di ba? 'Yung parang kapag nagkaroon ng problema sa isang loveteam, parang feeling nila, ending na rin nu'ng tambalan. Pero hindi naman lahat ganu'n. I'm sure, may mga naniniwala pa rin sa tambalan namin... Sooner or later, maibabalik din namin yung closeness naming dalawa. Siguro pag nagpo-promote na kami ng movie namin, kasi right now, dalawa 'yung ginagawa namin, e, 'yung Gimik the Reunion at yung Hey Babe."
2. Pareho ba silang gumagawa ng paraan para maibabalik yung dati nilang sweetness?
"Hindi naman puwedeng madaliin 'yon, e. But we're both working on it, maibabalik din 'yung closeness namin, sigurado ako doon."
3. Tanggap ba niya na darating yung time na mas kikilalanin sila as individual at hindi bilang magka-loveteam lang?
"It will come eventually. Lahat naman ng magkaka-loveteam, naghihiwalay din. Hindi sila forever magka-loveteam. Walang ganu'n. Kahit 'yung mga established couples o loveteams ng showbusiness, nagpa-partways din. Parang part ng pagggo-grow ng isang artista. Hindi naman puwede na forever na lang kayong nakadepende sa isa't isa. Ready na rin naman ako kahit papaano kung ganoon man ang mangyayari. Yung mga fans naman, I'm sure, maiintindihan rin nila yung ganoong sitwasyon."
4. Mabubuwag ang MAJ loveteam sa pagpasok sa eksena ni Onemig Bondoc sa ABS?
"Open ako sa kahit na anong option. Puwede akong i-pair sa iba. Wala namang problema sa akin. At hindi rin dapat mag-worry ang kampo ni Marvin o si Marvin mismo na baka i-loveteam ako kay Onemig. Imposibleng mangyari iyon. Mahirap mag-establish ulit ng bagong tambalan. Malabong mangyari yon. Kung makikita man ng tao na magkasama kami ni Onemig sa isang show, it's because we're only doing our job. 'Yon lang iyon."