JUNE 11, 1998
Special po ang issue namin ngayon kaya gusto ko ring maging special ang paghahatid ko ng kolum sa inyo. Gusto kong i-share sa inyo ang lahat ng achievements na natamo ko simula nang mag-artista ako.
HOUSE
"Ito po 'yung pinakamalaking investment ko sa kasalukuyan mula nang pasukin ko ang larangan ng showbusiness. Dito ko inilaan ang pinaghirapan ko sa larangang ito. Bata pa lang ako ay pinangarap ko nang mabigyan ng sariling bahay ang magulang ko. Maliit lang itong townhouse na nabili ko sa Commonwealth. Hindi biro ang hirap at pagod na naranasan ko mapasaakin lang ito. Actually, katatapos ko lang itong bayaran ng buo kaya ngayon ko pa lang naramdaman na akin na talaga ito. Noong una ay parang takot akong harapin ang obligasyon sa pagbabayad nitong bahay pero nilakasan ko na lang ang loob ko. At sa awa naman ng Diyos ay tapos na nga ito at maluwag na ngayon ang pakiramdam ko. sa totoo lang ay naintriga pa nga ang pagkakabili ko rito dahil may lumabas na balitang bigay ito ng isang gay lover ko raw. Pero alam ko namang hindi ito totoo at pinatunayan kong dugo at pawis ang pinuhunan ko sa bahay na iyon."
CAR
"Bale ito ang pangalawang investments ko simula nang pumasok ako sa showbiz. Hindi biro ang pagsabayin ang pagbabayad ng sasakyan at bahay. Malakas lang talaga ang loob ko dahil positive thinker ako at alam kong it's a necessity. Ibang klasi kasi 'yung naranasan ko noong time na wala pa akong sasakyan. Ako lang ang taga-Gimik noon na walang sasakyan kaya awang-awa ako sa sarili ko. Kaya nga nagsumikap akong mabuti para magkaroon ng sasakyan. Nissan Vanette na royal blue ang sasakyan ko ngayon at ito ang lagi kong ginagamit anywahere I go. Pero nag-iipon pa rin ako para makabili ng isa pang sasakyan for my family naman."
AWARDS
"Bilang isang artista, isa sa dream ko ang magkaroon ng acting award at nakatutuwang isipin na at this point in my showbiz career ay natamo ko na agad ito. Una kong natanggap ang award na Best New Movie Actor sa Star Award for Movies. Sumunod ang guillermo Mendoza Memorial Award bilang Most Promising Actor para sa taong 1997-1998. Nanalo rin ako bilang Most Popular Dramatic Actor sa Pabonggahan sa Moviestar Magazine. Na-nominate rin ako bilang Best Supporting Actor sa Film Academy of the Philippines at sa People's Choice Award. Ito ang huling award giving bodies na ipamimigay ngayong taong ito at umaasa akong mananalo ako rito."
MOVIES
"Bilang baguhang artista, matagal-tagal din bago ako nagkaroon ng pelikula. More on TV ang exposure ko na naging mabuti rin dahil bago ako iniharap sa kamera ay sanay na ako. Supposedly, ang Huling El Bimbo ang una kong magiging pelikula, pero hindi nga ito natuloy dahil nagkaroon ito ng kaunting problema. So, ang Flames, the Movie na lang ang naging first movie ko at bida kaagad ako roon kaya ninerbiyos talaga ako. And luckily ay kumita ito sa takilya and in fact naging talk of the town pa nga. Malaki ang utang na loob ko sa pelikulang 'yon dahil doon ako nakilala nang husto. sumunod na pelikula ko ay 'yung Ipaglaban Mo, the Movie together with Wowie de Guzman. I play support here in the movie at nakatutuwang isipin na na-nominate ako bilang best supporting actor sa FAP. Masasabi kong pangatlo kong pelikula ang Ibong Adarna kahit boses ko lang ang ginamit. Grabe rin kasi 'yung promo na ginawa ko roon. My fourth movie is Kung Ayaw Mo Huwag Mo. Ito yung dream cast na hinihiling ko talaga. Imagine doing a movie together with the Diamond Star Maricel Soriano and William Martinez and of course kasama ko rin doon ang labs kong si Jolina. At sa kasalukuyan nga, ang ginagawa ko ngayon ay ang launching movie namin ni Jolina entitled OKAY KA LANG? na sinu-shoot pa namin sa Baguio under the direction of Jerry Sineneng."
LOVETEAM
Isa sa mga importanteng nangyari sa aking buhay sa showbiz ay pagkakaroon ng ka-loveteam. Imagine, itinambal ako kay JOLINA MAGDANGAL na noon ay sikat na sikat na samantalang ako ay wala pang kapanga-pangalan. Nang pumayag siyang tumambal sa akin ay feeling ko ay nanalo ako sa lotto. Sa ngayon ay isa na kami sa pinaka-popular na loveteam at masasabi kong malaki ang naitutulong nito sa aking career. Actually, ang isa sa maganda sa samahan namin ni Jolina ay 'yung hindi lang kami magka-loveteam sa screen kundi 'yung pagiging mag-best friend namin."
BANK ACCOUNT
"At this point in my live, masasabi kong kahit papaano ay may naipon na akong pera sa bangko. Although, hindi pa naman ito ganoon kalaki ay sapat na rin ito if ever na hindi na ako mag-aartista. Marunong din naman akong humawak ng pera at pinahahalagahan ko ang lahat ng pinaghirapan ko."
FAMILY
"My family has always been there supporting me especially when it comes to my career. Lalo na kapag may mga intrigang dumarating sa akin ay lagi silang naroroon para sumuporta. Sila lagi ang aking nasasandalan kapag may problema ako. Ang dalawang kapatid kong babae na sobra-sobra ang pagmamahal sa akin at si Toptop na pamangkin ko na nagpapawala ng pagod ko sa trabaho."
TV SHOWS
"Bukod sa pagiging abala ko sa paggawa ng pelikula ay busy din ako sa mga regular TV shows. Masasabi kong masuwerte ako among other youngstars because I have several shows on line. Kasali ako sa Esperanza, Gimik, ASAP, APO at Onli in da Pilipins. Aside from that ay lagi rin naman akong nakikita sa Maalaala Mo Kaya, Ipaglaban Mo at Calvento Files. I'm very happy dahil maging sa TV ay namamayagpag pa rin ang pangalan ko."
Well, with all of these achievements ay masasabi kong my life has gone a long, long way. At siyempre, dahil sa inyong lahat na walang sawang sumusuporta sa akin. I hope ganito rin ang gagawin ninyong pagsuporta sa aming magazine.