Marami ang nagkagusto sa ginawa nilang pagsasama ni Marvin sa Star Drama, may chemistry din pala sila at bagay ding maging loveteam, pero may sari-sarili na silang ka-love team. Halimbawang ipagpareha sila ng Star Cinema sa pelikula, papayag ba siya? Hindi kaya lumabas na para siyang nanunulot ng ka-loveteam?
"Ayoko naman masabihang nanunulot ng ka-loveteam dahil wala naman sa image ko iyon. Kung maganda man ang reviews sa pagsasama namin ni Marvin ay nakakatuwa dahil kahit pala ka-loveteam niya si Jolina ay may nagkakagusto pa rin sa amin. Pero honestly, wala akong balak na sirain ang loveteam nila ni Marvin lalo pa't kaibigan ko naman si Jolina," paliwanag pa ni Rica.