Aminin man o hindi ng Star Cinema, ang pelikulang Kung Ayaw Mo Huwag Mo ay ginawa nila especially para sa loveteam nina Jolina Magdangal at Marvin Agustin na pinu-push nila nang husto.
Sa katunayan, the two were slated to shoot a solo movie na matatawag na launching talaga ng loveteam nila after Flames, The Movie. Isang babaeng jeepney driver pa nga sana ang papel dito ni Jolina.
Kaso, napagdesisyunan ng Star Cinema na mas makakabuti kung gagawin muna ng dalawa ang pelikulang Kung Ayaw Mo Huwag Mo kung saan susuportahan sila nang husto ng veteran loveteam nina Maricel Soriano at William Martinez. Mas makakasiguro nga naman sila sa takilya.
Mukhang hindi nga nagkamali ng desisyon ang Star Cinema dahil sa trailer pa lang ng pelikula ay tawanan na ang mga taong nakakapanood nito. Pwede ngang maging tagapagmana ng trono ni Maricel si Jolina after Manilyn Reynes noon.
As for Marvin, mukhang well-behaved ito para maging tagapagmana naman ni William sa pagiging Kulit at Pabling ng lokal na aliwan.
At any rate, nakatulong ng malaki sa pelikula ang original soundtrack nito kung saan kinanta nina Jolina at Marvin ang revival na T.L. Ako Sa 'Yo na original hit ng Hotdogs.