Ano ba'ng trip niyo ngayong summer? Saan niyo gustong magpunta para magpalamig at mag-relax? Di ba, mas bongga kung sa beach, sa Baguio o sa Hongkong tayo pupunta para magpahinga? Ang sarap yatang mag-unwind at tumakas sa mga pressure. Lumanghap ng sariwang hangin at makipag-usap sa kalikasan pansamantala. Inggit kayo, 'no! Pero puwede niyo rin akong samahan sa aming summer escapades ng mga paborito ninyong bagets star.
Here we to...Sakay na!
(edited)
Passenger#7: MARVIN AGUSTIN
Destination: Boracay or Hongkong
"This summer, wala pa kasi akong plano. Hindi pa namin sigurado kung saan kami pupunta. Pero kung ako ang papipiliin, gusto ko, sa malayo. It's either sa Hongkong or Boracay. Gusto ko namang mapaiba 'yung lugar.
"Magpapahinga lang siguro ako. Kakain, tapos hindi ako kakain ng meat. Basta pahinga lang talaga. Kung makakasama si Jolina, mas okey, 'di ba?
DREAM DATE THIS SUMMER:
"For me, gusto ko na this summer, eh, alone lang ako sa isang beach na walang katao-tao. 'Yung ako lang mag-isa, tapos magagawa ko kung ano 'yung gusto kong gawin.
"Basta kung sa'n 'yung beach na hindi pinupuntahan ng tao. 'Yung magandang-maganda. Tapos walang tao, ikaw lang mag-isa. Tapos magagawa mo lahat ng gusto mong gawin kahit mag-swimming ka ng hubad. Pero maghahanap pa ako kung sa'n 'yung ganu'ng beach."