What do Marvin Agustin and Piolo Pascual have in common? Pareho silang talents ng Garibaldi Productions at si Joji Dingcong ang kanilang manager. Through the invitation of Ruben Marasigan ay go kami sa Paombong, Bulacan kung saan sa isang malaking mansion kinukunan ang bagong mini-series ni Marvin. Ang first TV venture na drama series ng ABS-CBN line produced ng Star Cinema Production. Kaya naman bonggang-gongga ang kanilang taping dahil parang pelikula ang pagkakagawa nito. Big budget din ang nasabing series dahil powerful cast ito na pinangungunahan nina Marvin, Piolo, Hilda, Ronaldo, Tessie, Tracy, Dante and a lot more na talagang sadyang pinili ng Star Cinema at Channel 2 para maging part ng series na magsisimula sa Nov. 16 na papalit sa slot ng Palibhasa Lalaki.
Kahit malayo, sulit naman ang pagod namin dahil very accomodating sina Marvin at Piolo at talaga namang very cooperative sa aming ginagawang pictorial sa dalawa. Habang nagbabasa si Direk Oliveng script ay panay talaga ang shot namin sa kanila at talaga namang seryosong-seryoso ang lahat sa pakikinig sa batikang direktor.
Naroon din ang EP na si Ellen Criste na siyang nag-asikaso sa amin nang malaman naroroon kami sa set. Inabot ng alas 11:00 ng gabi dahil aliw na aliw kami sa mga taong nakilala namin sa kanilang taping at dahils sa magandang trato nina Marvin at Piolo.
Sigurado kaming aabangan niyo itong bagong mini-series dahil talagang napakaganda at pinagkagastusan ng nasabing producer para salahat ng tumatangkilik ng kanilang mga proyekto.