by: Joey Diego (Teen Movie Magazine 04/23/98)
Summer...Summer...Summer...
Yes, mainit na mainit na ang panahon kaya mainit din ang ginawang pagtanggap ng grupo nina MARVIN AGUSTIN, Erika Fife at vanessa del Bianco nang sugurin nila ang Sea Breeze Resort sa may Taguig. Naging mainit ang pagtanggap sa kanila ng buong staff ng nasabing lugar kung saan nagkaroon sila ng VTR taping para sa programang ASAP kung saan meron silang bagong dance craze na ipauuso. Namangha siyempre ang mga tao roon dahil nakita nila in person ang hinahangaan nilang artista at kilalang-kilala doon ang tatlo. Seksing-seksi si Erika sa kanyang revealing swimsuit, samantalang nagpaka-wholesome naman sina Marvin at Vanessa. Summer na summer nga ang dating ng tatlo dahil summer din ang concept ng kanilang VTR para sa nasabing programa. Kasama nila ang mabait na si Joel Ciervo na siyang nagdirek ng kanilang MTV spot at very accommodating din ito sa amin. Gusto rin naming pasalamatan ang may-ari ng Sea Breeze sa masarap na meryendang inihanda nila para sa amin. Magandang puntahan ang nasabing lugar ngayong tag-init, very relaxing at murang-mura pa kaya hindi kami nag-atubiling mag-imbita ng mga kababayang mahilig mag-outing, perfect place ito for relaxation, di ba Marvin, Vanessa and Ericka?