Wala nga raw dahilan para ma-insecure si WOWIE DE GUZMAN sa mga natatanggap na acting nominations ni MARVIN AGUSTIN particular sa Ipaglaban Mo, the Movie 2 considering the fact na ang totoong nagbida sa pelikula ay si Wowie.
Mismong ang dramatic young actor na rin naman ang nagpahayag na deserving si Marvin na magkaroon ng papuri at nominasyon sa naturang pelikula dahil siya ma'y naniniwala sa ipinakitang husay at galing nito na magbigay din nga ng Best Supporting Actor nomination sa darating na FAP (Film Academy of the Philippines).
"Pana-panahon lang naman 'yan. Hindi ko pa lang time para magkaroon ng ganyang mga awards or at least maging nominated man lang. Darating din 'yung panahon na ako naman," sey pa rin ni Wowie.
"About Marvin, deserving siyang ma-nominate dahil talaga namang magaling siya."