|
Adulces ta algamándose'l cuntar con
un festival intercélticu curiosu n'Asturies, el poco sofitu de les
alministraciones, foi dica agora una de les razones, pero tamién los fatos localismos
tienen parte importante de culpa. Con too hai dellos héroes y
heroínes que siguin puxando por algamar esa fin que ye la de toos
nós, dende equí queremos sofitar a esa xente falando del so silente
llabor. Tamién tener en cuenta que dalgunos festivales o nueches celtes,
qu'equí amosamos nun podemos saber al díi si sedrán a cellebrase en
prósimes ediciones, polo tanto dalgunos d'ellos pue qu'angüaño nun
esistan.
Festival Intercélticu d'Aviles. L'Asoc. Cultural Esbardu entama dende 1997 esti
festival, que foi superándose colos años. Cellébrase n'Avilés nel branu, y tamién tien actividaes
nos conceyos de la comarca de so (Castrillón ya Illas). Cunta
con invitaos d'Escocia, Eire, Bretaña, Gales, Galicia... Ye'l festival más importante del país,
nel que amás de les bandes de gaites y grupos de baille, el so
programa complétase con deporte llariegu, grupos folk y esposiciones
de temático celta.
interceltico.esbardu.org
|
Festival Folk de l'Ascensión (Uviéu). Cellébrase a fines de mayu, n'Uviéu aprofitando'l tradicional mercáu de ganáu. Nesti festival podemos atopar aparte de los acostumaos conciertos de música folk (nel 2004 ye la so primer edición), esposiciones, mercáu astur y desfiles con bandes de
gaites. Los conciertos faense na llábana de la Estación de Renfe.
Nueite Folk de
Tuña. Nel conceyu tinetense cellebrose'l 3 de xunetu del 2004 la primer edición, nel qu'amás de los conciertos (nesti añu: La Reina´l Truebanu, La Bandina, Llangres y N'Arba) pudieron vese esibiciones de ferreiros, madreñeiros, bolu celta, yaesu. O seya delles actividaes rellacionaes cola cultura tradicional de la comarca.
Noite Celta del
Cobo. L´Asociación "El Teixo" de Barres, vien organizando
dende l´añu 1.996 una Noite Celta, nos primeros años nel Covo de
Barres y dende´l 2.000 nel Campo d´Arnao na mesma desembocadura de
la Ría del Eo, tienen asoleyáu un CD con tres grupos participantes
na Noite: Corquiéu, Llangres y Dubram.
|
Festival Intercélticu Diadema de Moñes. Entamáu pola Banda de Gaites La Raitana en L'Infiestu.
Vien faciendose dende 1998, con dalgunes torgues poles
fluctuaciones nes subvenciones. Nel añu 2000 tuvo dedicáu a
los gaiteros asturianos.
|
Alcuentros Cola Cultura Atlántica de
Candás. La Banda de Gaites de Candás y
l'Ensame Xuvenil Trisquel entamen estos alcuentros onde la gaita y
la folixa son protagonistes.
|
Folixa nel Branu. Ye un festival folk que cellébrase a mediaos de xunetu
(repartíu ente'l vienres y'l sábadu) nel pueblu de San Esteba de las
Dorigas (Salas), y qu'entama dende'l 2002 la Asociación Cultural
Sierra Sollera. Suel contar con afamaos grupos asturianos y
gallegos, amás d'otres actividaes complementaries (tonada, deportes,
etc...).
|
Nueche Celta de Llanes. XUDEFAS (Xunta pola Defensa de les Fiestes
Asturianes), entama esta nueche de conciertos dende 1994 na villa
oriental.
|
Festival Intercéltico
d'Occidente. Festival que tien como sede la
capital astur del surf, Tapia nel mes d´agostu. Cola del 2002 son yá
6 ediciones, pero hai dellos años que nun ye a cellébrase por falta
de sofitu económicu.
|
Festival Llanes al Cubo. Esti ye daqué más qu'una nueche folk, nel tienen
espaciu pa esposiciones de llibros, meses redondes o proyeiciones de
cine asturianu, siendo de fechu la cita cultural de mas sonadía del
oriente'l país na seronda, dende'l 2002.
|
Xuntanza Astur de
Santu Adrianu. Música folk y mercáu tradicional, que nel añu 1999
cellebróse col nome Mercáu del Arcu Atlánticu, nel que tuvieron
presentes luthiers de les Islles Britániques y Francia.
Entamada pola Asoc. Cultural Xardón ta convirtiéndose nuna cita
imprescindible na primavera asturiana.
|
Nueche Folk de Fitoria. Vien cellebrándose dende´l 2001 aprofitando la
folixa n'honor de San Antón de Padua en branu, cola participación de grupos
folk (con esi nome que raru ¡eh!) y bandes de gaites
asturianes.
|
Folixa Na Primavera (Mieres). Dende hai unos años vien cellebrándose en Mieres
esta folixa de Primavera que tien como protagonistes a la
sidre y la música tradicional. Tien un programa cargáu d'actos que
finen nos conciertos de grupos folk de primera llinia.
|
Nueche +- Celta de Baíña (Mieres).
Nun-y falta orixinalidá a esta Nueche
Celta que se cellebra tolos años nel pueblu de Baíña. El so
compromisu col mestizax ta tamién garantizáu con esi encabezamientu,
yo, si soi ellos, rexístrolu darréu.
|
Nueche Celta de
Tresona. Dende hai dellos años, el Conceyu Corvera na comarca
d'Avilés vien entamando la que güei ye la "nueche celta" meyor
afitada d'Asturies. Nel mes de Xunu, na máxica nueche de San Xuan,
xúntense nel Pántanu Tresona los meyores grupos de folk asturianos y
d'otros países pa festexar el solsticiu de Branu
|
Folixa Astur. L'Entregu. Folixa entamada pola Asociación Cultural Folixa Astur,
dende 1999. Cellébrase tolos años na Campa L'Abeduriu y, amás de
música folk, ufre gran cantidá d'actividaes paraleles como teatru,
deportes tradicionales, cuentacuentos...
|
 |
Nueche Celta
d'Ayer. Cellébrase en Soto d'Ayer nel mes de Setiembre,
aprofitando les fiestes del conceyu dende 1996. Cunta con
participación de grupos asturianos y foriatos. Siempre participen
bandes de primera llinía: Glaz, Llan de Cubel,
Russel's House...
|
Noite Celta de
Porcía. Nel Conceyu El Franco, nuna islla fluvial, dende fai
más de venti años l'Asociación Cultural Alameda entama a finales
d'Agostu esti alcuentru ente'l folk d'Asturies y Galiza. Ye la decana
de les nueches celtes asturianes, y equí ta xustificáu falar de
héroes como facíemos enanties.
|
Alcuentros Tradicionales "Trebolgu"
(Uviéu). La del 2000 foi la so primer
edición, los sos entamaores tienen l'envís de que seya'l primer pasu
pa que Uviéu vuelva cuntar con un festival folk, nel que tienen un
ampliu y variáu programa d'actos .
http://www.trebolgu.com/
|
Nueite Celta de Xedré (Cangas del
Narcea). La del 2003 foi la quinta edición y
ta entamada pol grupu de bail.le tradicional La Ordaletsa y
la Asoc. Cultural Las Xanas. Cellébrase a mediaos del mes
d'agostu y quier ser un homenax a la Asturies rural que conservó los
vieyos raigaños celtes del nuesu puelu.
|
Concursu Folk Cuartu los Val.les.
Ye un concursu de música folk d´ámbitu estatal, que se cellebra nel pueblu de Navelgas (Tinéu), y que ta coyendo sonadía nos últimos años. Balbarda de Madrid foi'l ganador de la final del añu 2004. Pa
prósimes ediciones igual ye que se convoque a nivel internacional.
www.navelgas.com
|
|
|
Asturies tamién
participa nos dos más prestixosos festivales celtes del mundiu,
l'Interceltique de Lorient
y el
Celtic
Connections de Glasgow, nel
primeru ta representada dende 1985, añu nel que'l grupu
Beleño actuó como invitáu.
http://www.celtic-world.com/
Nel festival escocés, foi l'añu 1996 nel que
se vio'l debú de la participación astur, na edición del 2001
Asturies tuvo doblemente representada por Llan de Cubel (na
que ye la so tercer participación) y polos Hermanos
Tejedor. |
|
|
|
