|
|
|
| ||||
| Ye, ensín discusión, la reina
de los instrumentos asturianos. El so usu ta documentáu dende, polo
menos, la Edá Media, asina alcontrámosla por primer vegada nun capitel
de la maliayesa ilesia de Sta. María de La Oliva (s. XII).
|
|
|||
| Güei calculase qu'hai unos 3000
gaiteros n'Asturies, cuandu nos años 70 malapenes había una ventena,
eso fala bien ñidio de la revolución musical que tamos viviendo nel
nuesu País y de la que naide nun faló entá. La gaita ta perviva y
preba d'esto ye l'apaición d'instrumentos más perfechos, como la
gaita cromático d'Alberto Fernández o la Midi d'Hevia. Tolos grupos
asturianos de folk usen gaita.
|
||||
| Tenemos que
falar equí tamién de la gaita eiresa de coldu, uillean pipe,
que ye remanada pol grupu Llangres comandaos pol gaiteru Borja
Baragaño. Esti grupu preséntose nel Teatru
Campoamor nel concursu de folklore qu'entama'l Conceyu d'Uviéu, les
gaites tienen la particularidá de tar feches por un luthier de
Caborana.
|
||||
|
||||
| La gaita escocesa, como indica'l
so nome nun ye instrumentu asturianu. Pero ye remanáu nesti intre
pol grupu del nuesu País: N'Arba. Amás, nel pasáu
tamién foi remanáu por Beleño y Skitarna. Siempre en temes concretos y con envís
perñidio, ensin pretender quita-y el so papel a la nuesa gaita.
Per otru llau, tamién hai que solliñar el llabor que fexeron en Santu Adrianu, onde criose un taller industrial pa la fabricación de gaites. Ellí preséntose n'avientu de 2000 la gaita frisona, fecha con materiales aportaos pola Dupont. Tien esti instrumento, amás d'un diseñu-homenax a les vaques de lleche, la peculiaridá de que nun-y afecten los cambeos medioambientales a la so afinación. |
|
|||
|
LINKS RELLACIONAOS
|
||||
|
|
|
|
