|
|
|
| Bansang malugud Perlas na ning aslagan
Pali ning pusu mabye king panamdam O labwad ming mal duyan na ning tepangan Karing manyupil e ka payalipan. |
Bayang magiliw, perlas ng silanganan
Alab ng puso Sa dibdib mo'y buhay Lupang hinirang duyan ka ng magiting Sa manlulupig di ka pasisiil. |
| King dagat at bunduk
King amyam at king asul mung banwa Ting yubu ing kanta at poesya King kalayan tang sinta. |
Sa dagat at bundok
Sa simoy at sa langit mong bughaw May dilag ang tula at awit Sa paglayang minamahal. |
| Ing kislap ning bandera mu
Yang tagumpe mitmung ningning Ding aldo na ampon ding batwin Kapilan man ela matda. |
Sa kislap ng watawat mo'y
Tagumpay na nagniningning Ang bituin at araw niya'y Kailan pa ma'y di magdidilim. |
| Labwad ning aldo ning tula't pamalsinta
Ing bye ligaya king siping mu Asahan mung nun wari't lupigan da ka Ing mate kami king uli mu. |
Lupa ng araw ng lualhati't pagsinta
Buhay ay langit sa piling mo Aming ligaya nang pag may mang-aapi Ang mamatay ng dahil sa iyo. |
|
|
|
| Irug kung Tibuan Anak na ning Aslagan
Api nang simpan 'tiu keka gagalgal Labuad pakamal ulu ning kabayanian Ding manalipan era ka dalpakan. |
Bayang magiliw, perlas ng silanganan
Alab ng puso Sa dibdib mo'y buhay Lupang hinirang duyan ka ng magiting Sa manlulupig di ka pasisiil. |
| King labuad mu't king abagat
Karing bunduk mu at malat Titibuk ya at sisikat Ing Katimauan mung liyag. |
Sa dagat at bundok
Sa simoy at sa langit mong bughaw May dilag ang tula at awit Sa paglayang minamahal. |
| Watauat mu karing gutad
Silua'na ning kalmang mayap Eno akit matda't sukat Ing aldo at batui'nang masilag. |
Sa kislap ng watawat mo'y
Tagumpay na nagniningning Ang bituin at araw niya'y Kailan pa ma'y di magdidilim. |
| Labuad ning tula, aldo at kapalsintan
King kandungan mu, ing mie, nuan. Karing kekang anak, o kaligayan Ing mate, nung ta raka siglan. |
Lupa ng araw ng lualhati't pagsinta
Buhay ay langit sa piling mo Aming ligaya nang pag may mang-aapi Ang mamatay ng dahil sa iyo. |
| 1.
|
Labuad kung me-atbus King gintung Katimawan
Ing dayang minagus Ding bayaning mitimbuang Mipase't milugmuk Bara kang samsaman Kanyang pangabusabus mu't Karing keka menalipan. |
| 2.
|
Inya ngeni tikdo kang matatag King sarili bansang Pilipinas
At ikami ding sabla mung anak Pangaku mi ipalto rakang maslag Inya sana ikong kapatad ku King 'nasang yan misanmetung tamu Ban kanita mabilug a yatu Indung Pilipinas lunto yang mayubu. |
| Korus 1
|
Luid ya ngeni ing Pilipinas Ngeni sukat munang ingatan
Yaring kekang pangabilyan At eka sa maniwala King nanu mang kapanyiran Sundu ing pamikakalugud Ban mitipun ing sikanan Uling kaniti mayakit Ing tagumpe tamu Asahan meng datang. |
| Korus 2 | Magbiba tangan itamung kayanakan Biba, Biba, Mabuhay...
Kekatang tagumpe malapit niyang datang Biba, Biba, Mabuhay... |
| 1.
|
San Fernando, balen cung tibuan
Dai cang mal, niting capampangan Mangatatag, biasat matenacan Kapanayan at sulu ning tagimpan. |
2.
|
Gintung butil ning berding dayatan
Ilang tanda ning licas mung yaman Ding batwin mung keca mipamisan Ilang kecang cawil at sandalan. |
| 3. | CORO:
Balen cung tibuan, San Fernando
|
4. | (Inst.TONO I)
Fernandino Lahi cang marangal
|
|
5. |
(Ulitan CORO)
TALETE Dangalan cu king uli mu
|
(Aguman Capampangan Northwest U.S.A. (Oregon and Washington) Song:
Tune: Quiboloy Family Song;
Melody and Original Lyrics - Delfin T. Quiboloy, Pampango Poet;
new lyrics by Ernie Turla.
Contributed by Danilo
E. Del Rosario (ddelrosario@ci.portland.or.us))
| 1.
|
Eta mu pairaig itang Capampangan
Eta mu paisaul queng masqui nanu man Ingatan taya ing quecatang aguman Sana atyung atyu anga capilan man. |
2.
|
Veinte nueve yaing Junio carin ya mibait
Queta qng Oaks Park nung nu tamu migpicnic Dacal lang mequiabe careng intersadu Mesaya tamu ngan at micacasundu. |
| 3.
|
Deng maragul tang pamilia ilang pindu
Bonifacio, Susi, Ramirez at Guintu Balang magocasyun atyu la mung atyu Cambe ring opiciales a maqui-agyu. |
4.
|
Ing presidente ya pin ya y Marita
Deng vice presidente: Helen at Lydia At ing secretaria ya pin ya y Frida Y Soledad naman ya ing tresurera. |
| 5.
|
PRO la ri Bert at Paul; y Angie yaing auditor
J.R. at Marilyn ilang music director Sergeants la ri Charlie, Rod, Conrad at Danny At y Mina naman yaing business manager. |
6.
|
Careng assistants e tamu magculangan
Dacal lang masipag, apagcatiwalan Anti mo ri Mary, Elizabeth at Honor Ere paburen matiab ing quecatang bapor. |
| 7.
|
Ernie Turla, Art Villanueva, Ben Susi
Ila ring migpundar, mitatag caniti Advisers la ngeni, at antimurin di Dan Del Rosario at Alejandro, Rudy. |
8.
|
Marahil inq club tamu yang ating combu
A macabie sigla, gana at cusuelu Capamilatan da ri Robert Palomo Jun Pingul, Paul Ramirez at aliwa pa. |
| 9.
|
Agpang queng reglamentung tutuquian tamu
Capampangan la reng maliaring magmiembru At deng anac da magsilbi lang tangapan At deng asawa ra "special member" no man. |
10.
|
Sesen tayang ustu, e ta paisambulat
Qeng bague mayap misanmetung ta sucat Mangadi ta queng Dios, maniad tang sicanan Bayang lumuat a bie-ing quecatang aguman. |
| 1.
|
King metung a lugal marayu king balen
anung nu ing sabla payapa ngan carin, 'ting metung a bale a lubus king santing a sira na atap at busbus na dingding, ding carin tutucnang mitata la at ing obra na ning anac pastul baca't cambing. |
2.
|
Ilang bucud adua ding carin tutucnang
uling y Enigo ulila ne bilang, cang indu na, dapot itang cayang tatang king panaun a iti misadsad ne ketuan, ing icabibie ra bucud manibatan king gatas at caring misaling animal. |
| 3.
|
Misan a cabengian bayu la matudtud
ning tata ing anac caya yang inaus, iniang milapit ya malumeng menasbuc ing matua king lele tayu macalucluc, "anti ning ing bie cu ume nang mapupus bilin cu emusa cacalinguan lubus." |
4.
|
Maluca tang bandi keka cungan lacuan
pacalamalan mula kecatang animal, dapot ing mumunang emu cacalinguan ing panabilin cung dapat mung tuparan, makiasawa naca't ing kecang pilinan babay ya sanang ganap a caisipan |
| 5.
|
Miras ing penandit Ibpa nang Enigo
memun neng guinulut king tula ning yatu, iniang yanang dili iting baintau atme king calungcut pablasang magsolu, misan king isip na yang biglang siniro lacuan nang lugal na ban maglipo-lipo. |
6.
|
King lugal nang pintan mewili yang ganap
king lupa ala nang lungcut mung abacas, mapilan mung aldo malguang linipas aisipan na ing magobra yang sucat, tinaid na neman nitang calmang mayap meguing utusan ne nitang Aring matas. |
| 7.
|
Pablasang mayap ya iting y Enigo
aluguran ne ning Ari king palacio, emu ing binie na ing matas nang sueldo nune dinian nepang sarili nang cuarto, king oras ning junto libri yang daralo anti mong metung yang cabilang king Cetro. |
8.
|
Dapot ing ari yan ganap nang edad na
ing bucud nang anac ya ing Princesa, uling dayang asul, caniting leguan na ding caya maglolo casing pante nala, king panaun a yan bitasang alapa a cayang tenguanan a maguing asawa. |
| 9.
|
At misan a aldo iting Aring sugui
pepayaus naya ing Enigong iti, iniang ila namu ing magsasarili ing Ari ngana nang minunang miniabi: "Enigo, balu cu ing cayap mung dili balu mu munaman acung Ari keti." |
10.
|
"Ngeni ing buri cu icang manga-sawa
king bugtung cung anac a budning Princesa, at bucas a bucas alang panga-sala ing suguing Obispo ipayaus cuya, banacong icasal, inia magsadia ca ning canacung anac iti balu nana." |
| 11.
|
"O Aring guinu cu," ngana ning Enigo
"tututulan cupu sinabi yu cacu, uling ing bilin nang Ibpa cu canacu ganap ya caisipan ing ayasawa cu." king amanung iti bigla yang tinicdo ing Ari pabalasang tayu meinsulto. |
12.
|
"Enigo, pablasang atin cung sariling
macakilala king cayap mung magsilbi, inia mu eraca atulan mabite uli ning lugud cung keca alananti, ngeni ing sabian cu keka anti keni pakiramdaman mu bacang cumaba bie." |
| 13.
|
"Keca cungan ibie sablang cailangan mu
pilac ampon guintu ilang pabacal cu, bameng panintunan at yarap canacu ganap a caisipan babaing buri mu, dapot nung e akit atin catang trato ing kecang parusa ing bie mu milaco." |
14.
|
"opu," ngana namang malaguang mekibat
nitang y Enigong e miatdanan gulat, "pagpilitan cu pu aguiang nanung miras panintunan cuya at keti ke iras, at ing pangacu cu wari't e matupad king parusang mate matula cung tangap." |
| 15.
|
Gayac nang Enigo, panga cabucasan
agad neng belayun alang alinlangan, dapot king pusu na ampon king panamdam ing panalangin na ala nang pilatan, uling ing pangacu nung ena tuparan king pamagbalic na matabtab ya batal. |
16.
|
King cadua nang aldo ning cayang panlaco
king dalan atin yang acatuking tau, caibat ning mayagang atung ninu-t-ninu mipangutang la pa nung nu la tumuru, sinabi ning matua caniting Enigo "ica nuca ume, acu muli nacu." |
| 17.
|
Pigtapat na naman ning Enigong iti
ing panintunan na at seria na't pake, cabang king lacad da talu misasabi asaganan de ing icutcut dang mete, ngana ning Enigo king matua nang abe, "ing mete yan atin yang melacuan a bie." |
18.
|
King amanung iti, ing matuang sebianan
aliya bubulad micucunut ya canuan, penandit na niti carela lang disan ding taung papalut, pale lele dalan, ngana ning Enigo "maluat danang pengan bunga ning pale rang ngeni papalutan." |
| 19.
|
Matua migduda ya at nganang minucul
'tin yang dipirencia ing abe na't cagum, iting y Enigo, itang cayang payung lidlad ne caras da lalam na ning dutung, iniang dalakit la king disan dang danum sinulud na noman ding cayang sapatun. |
20.
|
Lalung meligalig ing isip ning matua
iniang ing bague yan caya akit nana, king cayang pamisip ing binilug na na talaga yang sira at iniang miras la, king bale na niti caya yang kimbira iting y Enigo ban pacanan naya. |
| 21
|
Dalaga nang anac agad yang miglutu
misadia ing paugtuan sinanaguli mu, at iniang miapag na pamangan a lutu agad neng inagcat king sabing masuyu, ning matua y Enigo ngana mangan pamu kimbiran ene man lubus micacunu. |
22.
|
Iniang ila nangan tano macalucluc
iting y Enigo piragli neng dimput ketang bandejado linucub a manuc; king matuang lalaki binie ne ing buntuc king Indu ding pacpac at itang laman lub king dalaga naman carin na pigcalub. |
| 23.
|
Ing laman na niti yang guisan nang pengan
metung man carela ala yang dininan, ding matua 'nawat da ing buri rang sabian uling marine la king aguiang macanian, iniang mayari na carelang pamangan Enigo muna yang dumayu king dulang. |
24.
|
Ing matuang lalaki ali na abata
mua yang migsalita careting abe na, "Istu ita tatang," ngana ning dalaga macabague ngan pu itang depatan na, keca ya ing buntuc uling icang tata ding pacpac cang Indu, waring lulucub ya." |
| 25.
|
O ing migpayung ya lalam na ning dutung
at mig-sapatus ya lalam na ning danum, ing mete bildug da king marimlang aun 'tin yang bie melacuan; ding taung pupupul pengan da na ita? Nung istu yang mucul talaga yang murit -- ica na ing matul." |
26.
|
"Istu mu naman pu," ngana ning dalaga
payung sagcan na ing mabaldug a sanga, ing lalam ning danum e na' cakit ita ing mig-sapatus pota masucsuc ya, ing bie nang malacuan, ing angang depat na pale papalutan uli ning utang da." |
| 27.
|
Pisabi rang iti lubus na ngan dimdam
nitang y Enigong lihim makiramdam, "ikit cu ne ngana," ing cacung paintunan maguing asawa cu pinili nang tatang; calibat ning penandit pigtapat na misan tinubu nang sinta ampon capagnasan. |
28.
|
King aldo mu ring yan e naman melambat
tingap ning dalaga ing nasa nang mayap, ing panga-casal da era pepalambat king caya minutus mibalic yang marap, ba nang pakilalang lubus nang metupad itang inutus na ning Ari nang matas. |
| 29.
|
Iniang macaras ne keta king palasiu
agad nang minarap king Ari nang guinu, "Aring mayupaya mecatupad na cu abe cu ne keni ining Asawa ku"; "Enigo, ya caya cacu sinabi mu ganap ya caisipan at mayap yang tau." |
30.
|
"Opu, Aring guinu mayap yang talaga."
"Bueno," nganing Ari, "bucas e sumala bale yung tucnangan ipagawa cu ya ba cong magsarili ning kecang asawa," dapot iting Ari pepasubuc na ya nung talagang mayap ban neng akilala. |
| 31.
|
Pepayaus naya metung nang General
saca na sinabi ing sabla nang daptan, "Icana ing balang dapat king paralan ing babaing iti king ban miang asintang, nung magtagumpe ca ing ibie cung galal dangalan a matas at salaping dacal." |
32.
|
Iting y Enigo manibat canita
lalu pang miragdag ing sadia nang obra, ing utus meracal, ditac nia painawa malalam nang bengi iti nung muli ya, culang ya atencion king cayang asawa ena asicasu ing keta carela. |
| 33.
|
Jalus balang bengi ing budning General
ing cayang asawa ayan neng aranan, depat ning babai ni misan mang misan iting mag-arana ene sisirawan, mu pin ing depat na king metung a siwang baneng akilala cayang sisilipan. |
34.
|
Macanian milabas ing macabang aldo
ketang asawa na calulung Enigo, aguiang misan mu man ene apatando niting magaranang lalaking maglolo, tauli nang depatan ing maintun yang tau carin na paluban anting cusunero. |
| 35.
|
Sepacatanan na matua yang babai
ban lungub muchacha cang Enigong bale, metangap neman pin inia ing miliari ing balang ikit na susumbung naniti, king caya minutus General a sugui banang ababalu iti balang bengi. |
36.
|
Mapilan mung aldo linub ya confianza
itang cang Enigong mutia nang Asawa, uling alang male king pake ning matua king pamisanmisan padilu ya caya, inia caibat niti ing linub muchacha simbung king General lihim a ikit na. |
| 37.
|
"nanu ing ikit mu?" cutang ning General
"maragul pung bague," pekibat ning kitnan, "sabian mung malagua dinan dacang galal." "tin yang alimpuyung tela tungcung calang malapit king ita, puad nang bandang wanan atlu la itsura macawiling lawan." |
38.
|
"Canitang cule ra magdala lang waga
matuling yang metung, malutu yang cadua, at itang catlu ra azul yang mistula"; king balitang iti milalu ya tula ing suguing General king dangalan bisa, king Ari agad yang malaguang migsaria. |
| 39.
|
"O guinu cung Ari mecatupad nacu
sabla pu canitang yutus ya canacu, puri ning asawa na nitang Enigo canacung asintang ban panualan yucu, 'tin yang alimpuyu a carin ikit cu ketang wanan nang puad king tune lang atlu." |
40.
|
Meniwalang Ari king cayang General
ngana, "y Enigo dapat yang bitayan," at pepabalu na king cayantg secupan king lual at kilub na ning meto cayarian, igugulisac da ding cayang tiburan ing panga-bite na Enigong malaram. |
| 41.
|
At ing bandung ita dimdam neng mistula
nitang cang Enigong asawang payapa, at ing depatan na lijim yang pagawa metung nang botitos, santing na aliwa, at iniang miras na ing aldo mitacda king panga-bite na nitang alang calma. |
42.
|
Macatipun nala ding dacal a tau
ketang arapan na matas a Palasiu, at minutus neman ing Aring mayubu king yukiat dane king bitayan y Enigo, mecabulad-bulad king sualang matilo meramdam ing sabing "Mitan ca Ari cu." |
| 43.
|
"Bayu ye bitayan," ngana ning babay
"Ing inatulan mung calulung lalaki, ulingiran yu pu dalum anti keni: itang cabangal na botitos cung ini, atin pung menaco caring tau keti lingunan mu sa pu uling mal ya iti. |
44.
|
"Balu me nung ninu ing menaco wari?
ituru me cacu," ngana mo ning Ari, "Opu balu cu ya" king cayang taliri tiru neng General carin macalimpi, king mua na ning tiru tinicdo yang dagli at nganang miniabing mata na mamapi. |
| 45.
|
"O Aring guinu cu a cagalang-galang
tabi king Cetro mung cacamalcamalan, acu ing tiru nang alang casalanan eke pu penaco ing cayang paintunan, keca pu sabian cu at ya ing catutuan eke cakilala ni ing babaing yan." |
46.
|
"Macanian pa pu ngana ning babai
king ena cu balu General mung iti, bakit sinabi nang icua nacu puri, king miliaring ita, ing bili milibe ing budning General yang carin mebite. |
| 1.
|
Iniang bayu pamu ing Menilang ciudad
Tingca na't lelangan ning maki-pacultad ating escuelahang carelang telacad pipagaralan da ding biasa at pantas. |
2.
|
Ding escuelang deti atlu la capinduan
itang Sto. Tomas at San Juan de Letran Sta. Teresita Colegio ya naman pitatanacan dang isip ding magaral. |
| 3.
|
Capupus ning banua, misara ing clasi
masipanuli no sablang estudiante caring sibabalen at tagle ra reti ing sablang cabiasnan, dangalan at puri. |
4.
|
Metung ya careti ing mintang dalakit
malapad nang pangpang ning ilug Calumpit minaus yang bangca caya midalakit ngana mamayad cu caras casumangid. |
| 5.
|
Sinake ne keta itang estudiante
linucluc maratun ketang taburete lidlad neng payung na at saca miniabi ustan mu bangkeru ing anti canini. |
6.
|
Iniang mamagse ne libutad ning ilug
nganing estudiante ustan mu bangkeru ding Angeles banua pilan latang Coruz ding Santos at Santas pilan nomang tapuc. |
| 7.
|
Mipamulala ya ing bangkerung anac
ketang estudiante ngana ping mekibat pagdamutan yupu ining ipakibat uling yang caguiwan na nining pobreng balat. |
8.
|
Anti king acu pu ecu ibat banua
ecopu binilang Coruz nung pilan la ila pang balu cu ding Santos at Santa metung cung calulung meragul king lauta. |
| 9.
|
Nung ing icutang yu cacu usisan
ing sumanga't muli ning bangcang secayan saca ining bagse ampon ining atcan ila pung balu cu ilang keragulan. |
10.
|
King bista't mababa ining pegaralan
suguing Pilosupu acu namong cutang manibatan keti angga king sadsaran ing pamamagse cu pilan cawaswasan? |
| 11.
|
Balubuc ning danum pangalto ning bula
king panga-tumpuc na pilan libu caya canacu mu igcas ban cung ausisa anti king Pantas ca biasa ampon sita. |
12.
|
Micamacama ya itang estudiante
cutang ning bangkeru emecapaniabi dinalan king lub na saca ya sinisi nung bat acutnan ne ing bangkerung iti. |
| 13.
|
Ini mu pala pung asuas ning bagse cu
alimu asabi cacu asuertu ding Angeles banua ilapang balu mu eca naman ibat banuang anti acu |
14.
|
Tantuan daca ngeni Pilosupung mambang
tandanan mu iti emu cacalinguan nung eme cayabe king clasi magaral king matas a argu eme cucutnanan. |
| 15.
|
Iniapin pu ngeni culdas nacong bigla
ding kecong panupa paburen yunopa king pasisibayu ing alinaco pa maniabing palalu king matas a bina. |
16.
|
Lon ye y Luzifer canitang minuna
sulu yang meyakit king tronos banuas ing cayang depatan ing migpalalu ya ewari menacbag king Impiernong lasa. |
| 17.
|
Icong makiramdam tutulad ecosa
ketang estudiante a palalung bina megaral yang ditac at miras Menila, cabalic na niti, tane mangastila. |
Alang kayang-ganan ing lugud ning indu, keka o penganak supling kang
tinubu,
Anti kamong sibul a malati tulu, a malino danum manyaman a tutu,
Ikong penganak sukat yung ganakan, kabuktut na kapa tatangka na nangan,
Itang sablang bague a kekang kailangan, ban keng kabait mu eka wasang-wasang.
Atiyu ka pa kilub atyan nang indu mu, dakal nang pasakit ing kaya binie
mu,
Menganib yang mete king pangabait mu, pauli ning sakit a emu magkanu,
Anak kang pasusuan e ditak a puyat, ing pibabata na uli ning kekang
kiyak,
Agyang mamangan ya bigla yang talakad, lalu't nung akit na dapat mamaglinang.
Anyang malati ka kenu ka sinusu, at kenu la takde ring kinandung keka?
Ninu ing mumuma mingatbang pisngi mu, ala't e aliwa nung e mu i indu
mu,
Potang masakit ka tanaka mo kikiyak, ninu ing mumuma at keka lilingap?
Ninu ing tatangis nung eka kakayap, bukud mung indu mo tatangis magsalbat.
Ibpa at indu mu tutung pikabalwan, ing tutu lang martir king kapibabatan,
Mayumung lugud da, mayumung taguimpan, dapot ing ablas mo mapait nung
misan,
Potang matuwa na kang maina na katawan, orening takde ku ika ing kandungan,
Bakung makayablas king kekang depatan, indung mal kanaku keti king
sikluban.
Datang ing panaon nung mirate na ka, aku ing tumanud king siping mung
kama,
Aku ing mibata agyang nanu pa ita, angga king kutkutan indu iyatad
daka,
Kasakit na indu ning mangaulila, likwan mong anak mo keti king masala,
Nung akit mo la mu kening kabilyan da, atilu king kubo mipapanangis
la.
