Ides Pal Avigni

Uè 99% di dût ce che i Furlans a lèin, a sintin da la radio o ch’a cjialin sulla TV al è par Talian. Al e necessari di da alla int pui informazions par Furlan. Jo no feveli di poesiis e grande leterature. La veretât è jè che la majorance de int a no lei chês chi in nissune lenghe. Ce che al covente a son gjornai, rivistes di divertiment, tele-noveles, programs di sport,comics ecetera. Robis che la int a learàn no parceche á amin la lenghe Furlane ma par divertiment, la stesse reson ch’a lein o á cjalin robis in cualsisei lenghe.

Al è necesari che i ‘zovins gjornalic’ Furlans é cirin di tacâ chesc’ progjets. Une volte che il prin al à suces, dûc chei altris á viodaran che nol jè impussibil. Toronto al a une populazion di 3 milions, ma al manten 3 gjornai ingles e ancje gjornai in talian, spagnol, cines, portughes e corean. Se po ó cjalìn i setemanai, a saran plui di cent. Dûc che á servissin comunitâz cun populazion mancul dal Friûl.

Il Furlan al scugne sei insegnât tes scuelis. Prime di dût par da impuartance a la lenghe. Second, par creâ une populazion leterade ch’a puedi lei chei gjornai, libris e rivistis ch’o ài spiegât prime. Cumo ó vin pos letôrs, cun poc ce lei. Un aument in’tun al cause un aument ta chel altri. Jo no dîs che dute la scuele à scungne sei fate par furlan ma ó podin inviasi cun 3 o 5 oris par setemane e aumentâ dopo. In Toronto ‘o vin il frances ch’al è obligatori tes elementars. ‘O vin ancje lis “heritage languages” (lis lenghis di altris imigranz ch’a vegnin insegnadis gratis par miez dal guviâr Canades tal dopo scuele o di Sabide. Plui di 20 lenghes á son ufrides (sun condizion ch’a sevin vonde frûz) tra chês lenghis a son : talian, grec, portoghes, serbo/croat, cines, corean e ciârtis lenghis de Indie. Se cussi tante considerazion a ven dade a tanc’ pizzui grops di inmigraz recents, isal masse domandâ la stesse robe par i Furlans, ch’à son centenars di agns in Friûl.

Se o tacassin a insegnâ uè ai frûz furlans al vores plui di 40 agns prime che dûc’ i adulz a puedìn lei e scrivi la lôr lenghe. Se al è pussibil un librut (10-20 pagjnis) a vares di sei fat, ch’al insegni a une persone ch’a sa fevelâ furlan e lei talian, a lei furlan. Chest librut al vares di jessi il plui semplic pussibil par no fa pore a chei ch’a lein. Al vares di sei mandât gratis in dutis lis cjasis dal Friûl.

Cors di Furlan par chei ch’a no fevelin furlan a varessin di jessi comenzaz. A son int ch’a sposìn furlans, ch’a son talians ma che an amîs furlans e furlans che an pierdût la lôr lenghe ma a varessin gust d’ imparale.

In ogni parochie la int a varesin di podè, tramite il voto, decidi se a uelin lis messis par furlan o par talian.

Andrea Cosolo