COMMENDATION
OF THE DYING
Not an official Pangasinan translation
Short Texts
One or more of the followiong short texts may be recited with the dying person. If necessary, they may softly repeated two or three times.
Siopa sirin so makapangisian ed sikatayod panangaro nen Kristo? Say segsegang, o say kaandiay kairapan, o say eras, o say kaandiay kawes, o say kaatapay bilay, o say patey? Rom. 8,35
No mambilay tayo, mambilay itayon para Katawan, tan no ompatey tayo ompatey itayon para Katawan. Kanyan mambilay man o ompatey tayo, kayaryan itayoy Katawan. Rom. 14,8.
Walay andi anggaan ya abung tayod tawen, sakey ya abung ya ag ginaway too, no ag ingen iter na Dios. 2 Cor. 5,1.
Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo, iyaagel da ak. Salmo 23,4.
Santa Maria, pikasi mo ak.
San Jose, pikasi mo ak.
Jesus, Maria tan Jose, ibaan yo ak ed sayan onor ya irap ko.
Reading
The word of God is proclaimed by one of those present or by the minister.
A. Oy la komun a walay ag makalingwan ed sarayay ibabagak, tan isulat to rad sakey a libro. Odino nitatak komun ed baton-dampay ira yay salitak, pian mansiansia ra ed ando lan ando.
Balet amtak a walad tawen so sakey a mangyagel ko, onsabid kaonuran a mangyagel ed siak. Anggaman a naoput na bigis yay baog ko, legan a wala ak nid sayan laman ko nanengneng ko so Dios, nanengneng na saray dilin matak et aliwan sangkaili ed siak.
B. Salmo 23
Say Katawan so managpastol ko; amin a nakaukolan ko walad siak.
Pampapainawaen to ak ed mareen a danum. Papasimbaloen toy biskeg ko. Iwanwan to ak ed saray maptek a dalan, onung na insipan to.
Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak. Mangipaparaan kay ponsia a para siak, a pakanengnengan ed siak na saray kalaban ko; maliket so pangawat mod siak, tan manlepwa so pamapanom na kupak.
Andi-saew a say kaabigan mo tan say panangarom ed mansiansiad siak legan kon mambibilay; tan ando lan ando a manayam ak ed abung mo.
Litany of the Saints
When the condition of the dying person calls for the use of brief forms of prayer, those who are present are encouraged to pray the Litany of the Saints or at least some of its invocations for him or for her.
One of the following litanies may be used:
A. Katawan, mangasika Katawan, mangasika.
Kristo, mangasika Kristo, mangasika
Katawan, mangasika Katawan, mangasika
Santa Maria, Ina’y Dios Pikasi mo kami
Masanton A-angjel na Dios
Abraham, ama na pananisia mi
David, manangiwanwan na totoo’y Dios
Amin ya masanton ama tan propita
San Juan Bautista
San Jose
San Pedro tan San Pablo
San Andres
San Juan
Santa Maria Magdalena
San Esteban
San Ignacio
San Lorenzo
Santa Perpetua tan Santa Felicitas
Santa Agnes
San Gregorio
San Agustin
San Atanasio
San Basilio
San Martin
San Benedicto
San Francisco tan Santo Domingo
San Francisco Xavier
San Juan Vianney
Santa Catalina
Santa Teresa
San Lorenzo de Manila
Amin a masanton bibii tan lalaki
Katawan, mangasika Katawan, ilaban mo ray totoom
Ed amin ya kaugsan
Ed amin ya kasalanan
Ed pakapanyari nen Satanas
Diad oras na patey
Ed andi anggan ya patey
Diad agew na ukom
Diad isabim a sakey a totoo
Diad inpanirap mo tan say krus mo
Diad inpatey tan inkiolid balon bilay mo
Diad ipawil mo ed gloria ed Ama
Diad langkap mo na Espiritu Santo
Diad isabim lamet ed gloria
Kasian mo kamin amin ya managkasalanan Katawan,
dengel mo ray pikakasi mi
Awit moy N., ed maandon bilay,
Ya inmunam ya insipan ed binyag to
Bangon moy N., ed sampot ya agew,
Lapud sikatoy atagano ed tinapay na bilay,
Mikabyangan komon si N., ed gloriam
Lapud say inkabyangan to ed say inpanirap
Tan inpatey nen Jesus,
Anak na mabilay a Dios.
Kristo, dengel mo kami Kristo, dengel mo kami
Katawan a Jesus, dengel moy pikakasi mi Katawan a Jesus, dengel moy pikakasi mi.
C. A brief form of the litany may be prayed. Other saints may be added, including the patron saints of the dying person, of the family, and of the parish; saints to whom the dying person may have a special devotion may also be included.
Santa Maria, Inay Dios Pikasi mo kami
Masanton A-anghel na Dios
San Juan bautista
San Jose
San Pedro tan San Pablo
Other saints may be included here.
Amin a masaton bibii tan lalaki.
Prayer of Commendation
When the moment of death seems near, some of the following prayers may be said:
A. Lakan onsulong, a kamarerwan makristiano, ed sayan mundo diad ngaran na Dios a makapanyarin Aman, ya amalsad sika,
Diad ngaran nen Jesucristo, Anak na mabilay a Dios, ya nanirap para sika,
Diad ngaran na Espiritu Santo, ya inmakseb a para sika,
Lakan onsulong, matuor ya Kristiano.
Manbilay ka ed kareenan komon ed sayan agew,
Say Dios ed Sion komon so kaibam ed panayaman mo,
Ontan met ed si Maria, Birhen ya Inay Dios,
Tan si Jose, tan amin daray a-anghel tan sasanto.
B. Ipalima mi ed makapanyarin Dios, si N., ya agi mi.
Ompawil ka komon ed Sikara, ya amalsad sika a nanlapud dabok na mundo.
Abeten ka komon nen Santa Maria, saray a-anghel, tan amin daray sasanto no sikay onlan onsulong ed sayan bilay.
Si Kristo komon ya inpasak ed krus para sika so mangiter na kawayangan tan kareenan ed sika.
Si Kristo ya inatey a para sika so mangako ed sika komon diad tanamanan na paraiso.
Si Kristo, ya tuan Managpastol, so komon mamirbir ed sika ya kaiba ka ed say muyangan to.
Perdoanen to ka komon ed saray kasalanan mo, tan ipila to kan kaiba ed saray apili to.
Nanengneng mo komon so Manangilaban mon arap-arapan,
Tan maliket kan naneng-neng komon so Dios ed ando lan ando.
C. Awat Moy aripen mo, Katawan ed say pasen na kilalaban a nailaloan to lapud panangasim.
Ebat: Katawan, ilaban Mo ray totoom.
Ilaban moy aripen mo, Katawan, ed amin daray kairapan tan segsegang. Ebat.
Ilaban moy aripen mo, Katawan, a singa inpangilaban mo ed si Abraham ed saray Chaldea ed Ur. Ebat.
Ilaban moy aripen mo, Katawan, a singa inpangilaban mo ed si Daniel ed saray leon. Ebat.
Ilaban moy aripen mo, Katawan, a singa inpangilaban mo ed si Susanna ed saray matitilan mamapalsa ed sikato. Ebat.
Ilaban moy aripen mo, Katawan, a singa inpangilaban mo ed si David ed saray bekas nen Saul tan si Goliat. Eabt.
Ilaban moy aripen mo, Katawan, lapud si Jesus ya Manangilaban mi ya inatey para sikami tan inter Mo so bilay ya andi-anggaan. Ebat.
D. Katawan min Jesukristo, Manangilaban na mundo, manpikasi kami para say aripen Mon si N., tan sikatoy ipalima mi ed say panangasim.
Sika so linmeksab a nanlapud tawen para sikato; awat mo la natan diad liket na panarian mo.
Anggan sikatoy akapankasalanan, agto inbori so Ama, Anak tan say Espiritu Santo, tan sikato so anisia ed Dios, tan inter toy galang ed Dios ya Manamalsa to.
Prayer after Death
When death has occurred, one or more of the following prayers may be said:
A. Sasanto na Dios, galin ontulong ed sikato!
Galin onabet ed sikato, a-anghel na Katawan!
Ebat: Awat yoy kamarerwa to tan ipalima yo ed Dios a Sankatageyan.
Si Kristo, ya anawag ed sika, so mangala komon ed sika;
Saray a-anghel komon so mangantabay ed sika diad abay nen Abraham. E/.
Iter yo ed sikato so maandon inawa, O Katawan, tan say liwawa Yo so maandon onsinag ed sikato. E/.
Mikasi tayo.
Makapanyarin amin tan sankamapangasian a Dios,
Ipalima mi ed Sika si N., ya aripen Mo.
Diad panangaro tan panangasim, linisan Mo laray amin a kasalanan ton agawgawa to lapud kakulangan na inkatoo to.
Diad sayan mundo, sikato so inatey:
Komon sikatoy manbilay ya andi anggaan a kaibam.
Kekerewen mi ya lapud Kristo ya Katawan mi.
B. Salmo 130
E/. Say kamarerwak so manilalo ed say Katawan.
Manlapud kaaraleman na inkaekalan koy ilalo, ontatawag ak ed sika, Katawan. Dengel mo pay tagleey ko, Katawan, talineng mo pay ikekerew koy tulong! E/.
Ontan lay panalagar koy itulong na Katawan, tan manmamatalek ak ed salita to.
Aalagaren koy Katawan; say panaalagar mo et alabas nen say pantatalaran ed kabwasan na saray bantay. E/.
Lapud walay panangasi tan say kapnuan na kilalaban ed say Katawan, ilaban to ray totoo ton Israelita ed amin a kasalanan da. E/.
Mikasi tayo.
Dios na Panangaro,
Awat mo ed kiwawalam si N., a tinawag mo la ed sayan bilay.
Paandien mo la ray kasalanan to,
Bendisionan mo na maandon silew tan kareenan mo,
Awit mon manbilay ed ando lan ando ya kaibam tan saray sasantom diad gloria na inkiolid bilay.
Kekerewen mi ya lapud Kristo ya Katawan mi.
C. Dios na bilay mi,
Diad saray limam imatalek mi N., ya agi mi.
Mailalo kami ya diad kaunoran ya agew sikatoy onolid bilay ya kaulop to ray inaatey ed Kristo.
(Misasalamat kami ed Sika lapud amin a grasya ya inter mo ed sikato nen sikatoy wala nid bilay aya pian nipanengneng moy maaman panangarom ed sikamin amin tan say pikakasakey ed say sasanto ya wala ed sikami ed si Jesukristo).
Katawan, dengel moy pikakasi mi:
Awat mo si N., ya agi mi ed paraiso, tan sikami so mangligliwa ed balang sakey lapud say panmatalek mi ed panananisia anggad makapiolop kamin amin ed si Kristo ya kaiba mi ka tan si N., ya agi mi ed ando lan ando.
Prayer for the Family and Friends
Mikasi tayo.
Dios na ligliway amin,
Diad maandon panangaro tan panangasim ed sikami,
Inpagmaliw mon palbangon na balon bilay so bilonget na patey.
Inpanengneng moy panangasim ed saray totoom ya maneermen.
Sika komun so panlinawaan tan biskeg mi ya mangiyaliglwas ed sikami ed kabilongetan na sayan ermen diad kareenan tan liwawa na kiwawalam.
Diad inpatey na Anak mon Jesukristo, ya Katawan mi, tinalom so patey, tan lapud inkiolid bilay to, pinasimbalo to so bilay.
Onla kami sirin ya sililiket ya mangabet ed Sikato, pian kasumpal na sayan bilay ed mundo, nakaulop mi ray agagi mi lamet diman ed pasen ya amin ya terter na luwa so napunasan.
Kekerewen mi ya lapud Kristo ya Katawan mi.
K. Amen.
