Asumpal so Vicariate
Executive Assembly na Vicariate I nen 5 Agosto 2000. Apatiran
Sabado iran dinmagop ed Mary Help of Christians College Seminary, Bonuan
Gueset, Dagupan City. Si Msgr. Oscar V. Cruz, DD, JCD so angipangulo
na Misa. Formal ya abitla ta apili so miembro na saray Vicariate Commissions
tan Committees. Si Fr. Oliver E. Mendoza so angibasa na saray ngaran. Amin
ya akibiang ed say Assembly et akaawat na kopia na Archdiocesan Pastoral
Assembly Documents.
Nen 11 Agosto 2000, maliket iray papari
na Ardiocese of Lingayen-Dagupan lapud insilibra so Sanctification Day
na Clero. Agawa ya diad Parokia na San Pedro tan San Pablo diad Calasiao,
Pangasinan. Diad kabuasan, kasumpal na mananam ya merienda, agawa so Adoration
na Blessed Sacrament tan Kumpisar. Si Reb. Padre Luis Ungson so nansalita
ed saray papari nipaakar ed say tema na Jubileo, "Jesus Christ Yesterday,
Today and Forever." Insalita ra tan inpanunot da so panangaroy Dios ed
sikatayo nen saman, say natan tan say ilalon arapen. Marakdakep so nibalikas
da unong ed say kipapasen na inkapari.
Ontan lan tinmumbok si Msgr. Pepe Quitorio, say
secretary na CBCP, ya nansalita nipaakar ed say planon pangipaalagey na
Internet Provider diad Archdiocese na Lingayen-Dagupan, say CBCPNet.
Say pidumaan ton ya ya provider et "na-filter" to la so dakerakey ya "violent
tan pornographic sites". Kanian, say CBCPNet et sakey ya alternatibo para
say arum ya Internet Providers. Inkuan nen Msgr. Pepe, "Sikato ya so ebat
ed say tawag na Simbaan ya pagmaliwen ton Kristiano so Cyberspace."
Agawa so mananam tan masamsamit ya ogto, tan say
antikey ta pagalaw. Analo so Vicariate I ed say "Tepet tan Ebat" ya galaw.
Si Arsobispo so angipangulo na Misa, tan sikara met so nanbendision na
balon Ossuary diad beneg na Simbaan na Parokia. Satan ya Ossuary
et para saray papari labat. Inkuan nen Arsobispo ya mantepet la ed saray
kakanayon na agagi tayon papari no labay da lan iyalis so pokel da
diad Chapel of the Resurrection, odino say Ossuary na Arkidiosis.
Jubilee Retreat of the Northen Luzon
Clergy. Ginmapo so Retreat nen 28 Agosto, Lunes, dia ed Teachers'
Camp, Baguio City. Diad registration labat, dakel so kamustaan, kantyawan,
birbiran na saray mankaklasmate ed seminario nen saman. Wala ray ag ni
naneneng-neng ya pigay taon. (Wala la ray klasmate ko ya ag ko aneng-neng
na 13 taon!) Kanyan, maliket ya nandodomog so papari ed sayan bekta. Sikara
di Msgr. Ernesto Salgado, DD, Obispo na Vicariate na Baguio-Benguet,
so nanmisa nen alas 6:00 ed labi. Sikara di Msgr. E. Salgadao so "host"
na sayan Retreat.
Saray nan-ulop ed Cottages et onung ed grupo na
taon ed inkapari. Walay "Young Clergy", "Junior Clergy", "Middle Clergy"
"Senior Clergy". Onung ed say schedule ya inter na saray organizers, walay
duaran conference ya nagawa ed kabuasan, tan diad ngarem et nagawa so group
sharing na saray manaayam ed sakey ya cottage.
Martes. Sikara di Msgr. Artemio Rillera, SVD,
DD, OBispo na Diosis na Bangued, Abra, so unaan ya angiter na
Reflection nipaakar ed "New Evangelizatiion, Responsibility of the entire
Church, the Necessary and Indispensable Role of Priests". Tnimombok
ira di Msgr. Carlito Cenzon, CICM, DD, Obispo na Vicariate na Tabuk.
Say topic da: "Priests, Ministers of the Word .... Towards an Effective
Proclamation of the Word". Agawa so "Liturgia para Pikakasi para Papari"
na saray laiko na Baguio-Benguet ed labi.
Diad Mierkoles, sikara di Archbishop
Diosdado Talamayan, ed Arkidiosis na Tuguegarao, so nansalita nipaakar
ed "In Persona Christi Capitis: Ministers of the Eucharist: Core of
Priestly Ministry". Si Bishop Sergio Utleg na Diosis na Ilagan
so nansalita nipaakar ed "Ministers of Reconciliation with God and the
Church". Agawa so Penitential Celebration tan Individual Confession
ed labi.
Diad Huebes, sikara di Bishop Ramon
Villena, na Diosis na Bayombong so nansalita nipaakar ed "With Christ,
Incarnating and Spreading the Mercy of the Father, Sacerdos et Hostia".
Si Bishop Franciso Claver, na Vicariate na Bontoc-Lagawe, so nansalita
nipaakar ed "The Pastoral Ministry of Priests: Service of Leading in
Love and Strength". Say sampot ya misa et si Bishop Jesus Galang,
DD, na Diosis na Urdaneta, so angipangulo. Say angiter na Homily ed
sayan misa et di Bishop Jesus Cabrera na Diosis na Alaminos.
Lapud, dake la so onsempet, ag la ginawa so Afternoon
schedule ya programa. Kanian, ag sisempetan la. Kanian sirian, abawasan
ya sakey agew so retreat.
Nantotongtongan met ya gaween lay Regional Retreat
na Northern Clergy on a regular basis.
Mauran labat ed sayan simba na Retreat; inmagew
labat nen onsempet la ray papari!