REB. PADRE  IMMANUEL S. ESCANO            6 June 1947

REB. PADRE RENE E.MENDOZA                      7 Junio 1986
REB. PADRE REYNALDO V. ROMERO          24 Junio 1992

Simba na 28 - 4 Hunio 2000
 

1 Hunio 2000, Huebes. Say Pilgrim Cross na Arkidiosis so wala la ed Simbaan na Parokia na Ina na Masanton Rosario, Manaoag, Pangasinan. Say Pilgrim Cross et nanlapud Parokia na Epipania na Katawan tayo, Lingayen, Pangasinan. Walay agawa ya inpanulop na satan ya Pilgrim Cross na saray parokiano na Vicario III. Makana tan matalus so inpangibiyahe tan ya krus lapud, sinasabat na saray totoo ed saray parokia ya dinadalan to. Saray parokiano na San Fabian tan Mapandan et inmabet ira ed Mangaldan; ontan met iray taga San Jacinto ed mismon baley da. Nanalagar la ray taga Manaoag dimad patio na simbaan. Wala misa ya agawa. Say koleksyon ya atipon so mabolbolos ya inter ed si Arsobispo Oscar V. Cruz, DD para say tulong ed say Simbaan ed Minadano. Salamat ed say inpanparaan nen MSGR.RENE E.MENDOZA, Vicar Forane na Vicario III ed sayan niduma-duman biyahe na Pilgrim Cross. Taluy bulan ya manaayam so krus ed Manaoag.

2 Hunio 2000, Biernes. Sinilibraan met so Quadricentennial Foundation Anniversary na Parokia na Sto. Tomas de Aquino, Mangaldan, Pangasinan.Baleg ya silibrasyon so agawa. Say angipangulo na misa et di Arsobispo Oscar V. Cruz, DD, tan di Obispo JESUS A. CABRERA, DD, Obispo na Alaminos tan taga ra met ed Mangaldan. Duara so imbaga nen Msgr. Cruz: say magnayon na kipapasen na Simbaan, tan say panangaro na Dios ya maando. Dakerakel ya papari so linma met ya nanmisa, laut la ed saray paparin taga Mangaldan tan saray papari ya nankimey ed Mangaldan.

Kasumpal na misa, agawa so Launching na Quandricentennial Commemorative Stamp. Wadman so mangilalaman ed say Postmaster General na Pilipinas ya sikato so matarakin angiter na pankanawnawa ed sayan Commemorative Stamp.
 
 
 

Walay agawan pisasalamat tan pankakasakey ed konbento nen REB. PADRE RENE E. MENDOZA nen 7 Hunio 2000, Mierkoles lapud say anibersari da ed inkapari ra. Sikara ni so nanlapud Pampanga ta lapud walay Conference ya inatindiaan da naipaakar ed say Missions Apostolate ta sikara met lanti so Director na Missions na Arkidiosis. Sayan taon sikara la so labin-apat ya taon ya pari. Sikara natan met so School Director dia ed Sto. Tomas High School, Mangaldan, Panagsinan.

9 Hunio 2000, Biernes. Agawa so RECOLLECTION NA PAPARI dia ed Mary Help of Christians College Seminary, Bonuan Gueset, Dagupan City. Say Vicariate II so angipangulo ed sayan  Recollection,  tan si REB. PADRE JOSE CARINO, Vicar Forane, so angipangulo na Benediction tan si REB. PADRE JONATHAN SONGCUAN so pangulo na dasal.

Wala met iray pigaran balita tan announcements ya impapasabi ra di REB. PADRE ENRIQUE V. MACARAEG, say Pangulo na Commission on the Clergy nipaakar ed say Annual Retreat na papari:

Sayan Retreat et sakey ya REGIONAL RETREAT FOR PRIESTS ed NORTHERN LUZON. Say Tema to: "THE PRIEST AND THE THIRD MILLENIUM". Saray naimbitaan ya mansalita et saray amin ya Obispo na Northern Luzon.

Sayan Retreat et nagawa no 28 AGOSTO ya anggad 1 SEPTIEMBRE dia Baguio City.

Nankolekta met si REB. PADRE MARIO R.MORALES para say PRIESTS' EMERGENCY FUND onung ed say Circular nen Obispo Cruz nipaakar ed sayan getma.

Nen inbeneg a simba, nanlukas la ray iskwelaan na Arkidiosis na Lingayen-Dagupan para saray estudiante na elementary tan high-school. Diad Mary Help of Christians College Seminary ed Bonuan Gueset, Dagupan City, sinmabi la ray seminarista nen 12 Hunio 2000, Lunes. Say enrolment na College Seminary natan et  71 ya estudiante.

15 Hunio 2000, Huwebes. Agawa so meeting diad Chancery na Speakers' Bureau na say Vicariate Executive Assembly. Si Arsobispo Oscar V. Cruz, so anawag na meeting ya tinongtong so nepeg iran ipaliwawa ed sayan aktibidad na Arkidiosis tayo.