N'eus tamm dazont ebet eta, d'ar brezhoneg ha d'ar sevenadurioù all, gwasket er Frañs keit ha ma chomo ar Vonreizh hag al lezennoù evel m'emaint.

  E keit-se emañ ar Stad c'hall o c'houlenn digant ar broioù a fell dezho bezañ perzh eus Unvaniezh Europa d'o zro, doujañ d'an emglevioù etrevroadel a warez ar sevenadurioù hag ar yezhoù liesseurt, dres pa n'he deus-hi nemet dismegañs oute war he zachenn, en despet da evezhiadennoù groñs an UNO (miz du 2001) ha Parlamant Europa (miz genver 2003).

   E keit-se ne oar e mod ebet an 2 600 bugel degemeret gant ar skolioù Diwan ha gallout a rafont derc'hel da zeskiñ brezhoneg da vad en un tu bennak.

   E keit-se e vez roet d'an holl da grediñ, gant marc'hadourien an abadennoù meur, e vije diouzh hon sevenadur keltiek, unan doujet hag e kreiz e barr.

N'omp ket evit gouzañv ken e vefe bac'het ar brezhoneg er skol hag er gevredigezh gant reolennigoù strizh ha bresk.

• Evit ma vo anavezet ha gwarezet ar yezhoù minorelaet gant ar Vonreizh, evel m'eo dleet, a-skwer gant al lezennoù etrevroadel hag evezhiadennoù an UNO ha Parlamant Europa,
  
  
• Evit ma c'hello pep hini deskiñ ar yezhoù choazet gantañ hag ober gante bemdez e lec'h ma kar,
  
  
• Evit ma vo barrek Kuzul rannvro Breizh da reiñ d'ar brezhoneg ha d'ar sevenadur a ya d'e heul, ar plas a zo dleet dezho er gevredigezh,
  
  
• Evit ma vo anavezet ez-ofisiel ar c'helenn divyezhek dre soubidigezh,