Esti 8 setiembre, ANDECHA ASTUR quier convidate a que faigas del Día de la Nación Asturiana un día de llucha y de compromisu, nel que reivindiquemos el nuesu orgullu de ser asturianos/es y la nuesa voluntá de siguir esistiendo comu nación diferenciada.
 

Frente a los que pretenden faer d’esti día una xornada de folixa ensin conteníu, ANDECHA ASTUR quier faer d’ésti el día de tolos asturianos/es, pero sobro tou de los que siguen defendiendo un futuru dignu p’Asturies, lluchando pol puestu trabayu, pola cultura asturiana, pola defensa’l mediu ambiente, escontra la marxinación social... y nel fondu, por un cambiu sustancial d’unes cadarmes sociales que sólo respuenden a los intereses d’unos pocos favorecíos.

Ello asina, convocámoste a la manifestación que se cellebrará baxo'l lema "Lluchando pol futuru d'Asturies", esti prósimu martes, 8 setiembre n’Uviéu, a les 13 hores y con salida na Plaza La Escandalera.