ENTAMU

La hestoria repítese

Güei, 16 años dempués, les mesmes fuercies polítiques (PP, PSOE ya IU), col gabitu’l PAs, tan negociando una reforma estatutaria que, según ellos, va apareyar la igua pa tolos problemes del nuesu país.

Pero esta reforma del Estatutu ye antidemocrática porque ta fecha a espaldes del Pueblu Asturianu y ensin que les y los asturianos podamos decidir un res.

Por otru llau, el propiu conteníu la reforma nun mos ufierta munches esperances y, por muncho que mos la quieran viender con términos comu «autonomía plena», «autogobiernu» o «comunidá hestórica», la sociedá asturiana ye cosciente de que se trata d’una operación d’imaxe, de llava-y la cara a una si-tuación autonómica impresentable dafe-chu, de da-y una mano pintura al vieyu edificiu rexonalista, qu’aínda quieren caltener.

Dir algamando competencies ye un oxetivu cuásique unánime n’Asturies, pero un Estatutu d’Autonomía nun pue quedase nuna cenciella descentralización alministrativa que va dexamos na mesma situación na que tábemos. Esta reforma estatutaria ye otru camín a nenyures, otra imposición más, porque nun va rema-necer de la voluntá soberana del Pueblu Asturianu, sinon qu’otra vegada van imponemos l’Estatutu qu’a ellos-yos convenga.

Dempués de 16 años de fracasu, l’únicu estatutu d’autonomía valoratible ye’l que mos apurre’l poder políticu afayaízu pa costruyir l’Asturies que mos pruye y non la que quieren imponemos. La reforma estatutaria ye denunciable porque al Pueblu Asturianu nun se-y permite participar nella y porque los sos resultaos van siguir dexándomos nuna situación de comunidá autónoma de segunda. Esti Estatutu ye denunciable, con o ensin reforma, porque nun tien los mínimos im-prescindibles qu’Asturies precisa pa progresar; nun se mos reconoz comu nación, nun al-gamamos la nuesa soberanía y nun mos dexen autodeter-minamos y decidir el nuesu futuru.

La clave fondera d’un estatutu de progresu ye la soberanía d’Asturies, polo que los sos pegollos tienen de ser la reco-nocencia d’Asturies comu nación y el respetu escrupulosu al drechu d’autodetermín del Pueblu Asturianu. Namás que dientru d’estes llendes les/los asturianos/es podremos escoyer el futuru que mos pruye, en llibertá, respetu y solidaridá.

Col lema «Con reforma o ensin ella, esti Estautu ye una ruina», Andecha Astur va entamar una campaña de denuncia de la reforma estatutaria que nestos intres tan apautando los partíos parllamentarios, por pescanciar que tala reforma «va dexamos na mesma situación d'anguañu, porque namás respuende a la necesidá de llavá-yos la cara a unos partíos que renunciaron a los drechos d’Asturies».

Demientres la campaña, la organización nacionaliega va presentar comu alternativa un Estatutu Nacional d’Autonomía «sofitáu na soberanía y el drechu d’autodetermín d'Asturies».

Per aciu de cartelos, folletos y actos públicos, Andecha Astur va apurri-y a la sociedá asturiana la so visión d’una reforma estatutaria con un conteníu qu'esbillamos na Editorial d’esti númberu del PUXA.

Les organizaciones firmantes d’esti documentu son: CEPLA, Xunta Moza, Ensame Xuvenil Trisquel, CEN, Mocedaes Nacionaliegues, Griesca, Andecha Moces Da-y al dengue, Sechoriu, El Garrapiellu, L'Aniciu, Belenos, Cilurnia Folk, Coordinadora Ecoloxista, Conceyu Ecoloxista de Xixón, Remanecer, Na Señardá, Secha, AYDA, La Llóndriga, El Llar d'Anguañu, La Flor del Agua, La Fonte'l Cai, Radio Sele, Izquierda Asturiana y Andecha Astur.

Pa Marcos Fernández, de la Executiva Nacional d’Andecha Astur, «esti documentu ye’l retruque al globu sonda allanciáu pol Pautu pol Autogobiernu y la Oficialidá, nel qu’asoleyaben la so intención d’aceutar una reforma estatutaria que nun incluyere la oficialidá».

Al día siguiente, voceros del Pautu anunciaben la so dimposición a nun sofitar denguna reforma que nun güeyare de mena esplícita la oficialidá de la llingua asturiana.

Los y les representantes d’estes asociaciones van caltener "una política llingüística pernidia pa incluyir la oficialidá de la llingua asturiana na reforma estatutaria".

La organización nacionaliega denunció que nel procesu d’algame del oru, remánense productos percontaminantes, comu’l cianuru, que podríen dar llugar a escapes y vertíos a los calces d’agua averaos. Pa Xose Rodrígez, voceru d’Andecha Astur, «la preba d’ello ye que la propia Alministración calificó esti impautu ambiental de perseveru, que ye la calificación más ñegativa que pue apurrise a un impautu ambiental».

Ún d’estos ríos a los que podríen vertise axentes contaminantes ye’l ríu Narcea, dende’l que se bombia agua a estremaos conceyos d’Asturies, comu Avilés, Pravia o Sotu’l Barcu. Darréu d’ello, Xose Rodríguez afitó que «en casu de que l’agua llegare a les viviendes contaminada con cianuru, les consecuencies pa la Salú Pública sedríen impredecibles».

Viviendes d’El Pozón

Manuel Conde, voceru d’Andecha Astur, refugaba d’esta posibilidá porque «ye illegal dafechu quita-y la vivienda a quien, por llei, la tien alxudicada y porque ye mentira que l’Ayuntamientu tea viviendes alternatives».

Por otru llau, Manuel Conde criticó duramente a la Federación de AA.VV. por «llevar al movimientu vecinal al racismu puru y duru y nun pretender otra cosa que char a los xitanos del conceyu».

Pa Marcos Abel Fernández, miembru de la Executiva Nacional d’Andecha Astur, «a esti ellementu abúlten-y poco les cuásique 800.000 pesetes que cobra de la Xunta Xeneral y continúa defendiendo porgüeyos particulares que podríen chocar colos porgüeyos xenerales que ta obligáu a defender dende la Xunta Xeneral».

Ovidio Sánchez reconoció esta situación, lo cualo, pa Marcos Fernández, ye una preba más de que «estos politiquillos de la Xunta Xeneral nun pretenden otra cosa qu’esguilar política y económicamente y denigren, aínda más si cabe, les istituciones asturianes».

Pal voceru d’Andecha Astur, «l’actitú’l Sr. Sánchez ye representativa de tolos parllamentarios de la Xunta Xeneral y por ello foi escoyíu pa presidilos».

Andecha Astur ta desendolcando un llabor de sofitu a los pescadores porque, según Santi Artime, voceru de la organización d’izquierda en Carreño, "la situación d’anguañu del puertu Candás ye llaceriosa, les condiciones nes que s’atopa’l cai fain imposible la práutica la pesca, fasta’l finxu de que ta tornando a entrar el sable nel puertu y los barcos candasinos tienen de dir a atracar al Musel".

Pa Santi Artime «ta nidio qu’al Gobiernín nun-y interesa, por dalguna xida, sacar alantre un proyeutu que tome en serio al seutor pesqueru comu una posible alternativa de futuru pa la mocedá asturiana, que carez la peor tasa paru del Estáu español». Nesi sen, los pescadores candasinos siguen pescanciando al seutor comu una baza fuerte pal futuru llaboral y económicu del conceyu y nagüen por un puertu con unes condiciones téuniques afayaíces pa la práutica la pesca baxura, que daríe llugar a una riestra puestos de trabayu amestaos a los que xeneraríe la mesma xera pesquera.

Santi Artime afitó que «l’Ayuntamientu Carreño tien de dexar de xugar col seutor pesqueru y tomar en serio esta alternativa, porque la paciencia los pescadores de Carreño ta escosándose y yá anunciaron movilizaciones que, de xuru, Andecha Astur va sofitar fasta les caberes consecuencies».

Esi conciertu, que s’enxertó nes II Xornaes Antirracistes entamaes pola Fundación Municipal de Cultura del Ayuntamientu Corvera, foi un amiestu d’estremaes tribes de músiques. Asina, cuntóse con actuaciones de grupos de gaiteros, en representación de la música tradicional asturiana, el grupu Quimera representó a los nueos ritmos de la música xitana y el grupu Amenaza fizo una actuación de música rock.

Pa Miguel Roxas, voceru de l’asociación cultural, «magar ún de los nuesos esmolecimientos ye caltener y da-y puxu a la música y a la cultura asturiana, prúyemos dexar bien nidio que somos partidarios y partidaries de respetar los drechos de cualisquier otra cultura que se sopelexe na nuesa tierra y guetar intres d’alcuentru y convivencia, comu’l qu’encadarmamos nesti conciertu».

Pa Fernán González, de la Executiva Nacional de la organización d’izquierda, «esta cabera reforma llaboral apareya una nuea claudicación de los nomaos sindicatos mayoritarios y un nueu pasu atrás pa los y les trabayadores».

A la vista de que les consecuencies d’esta segunda reforma llaboral son l’abaratamientu’l despidu, la precarización del emplegu y l’empeoramientu de les condiciones salariales y llaborales, Fernán González afitó que «na pergrave situación económica y llaboral que carecen los y les trabayadores, l’actitú de los sindicatos nun tien de ser la de la negociación pola negociación, sinon una posición firme y de llucha decidida pola meyora de les condiciones sociollaborales de los y les trabayadores».

Desixen el desaniciu de les torgues arquiteutóniques

L'oxetu d'esta demanda ye requerir al Gobiernu autonómicu'l sopelexu d'un reglamentu que desendolque la Llei de Desaniciu de Torgues Arquiteutóniques, aprebada pola Xunta Xeneral n'abril de 1.995 y que, por nun tener entá talu desendolque, nun pue ponese en práutica.

Pa Isabel García, de la organización d'izquierda, "n'Asturies somos decenes de miles les presones que tenemos dalguna discapacitación y nun vamos tolerar por más tiempu que se balten los nuesos drechos, porque dempués d'aprebase esta llei, les obres siguen faciéndose ensin tener en cunta les nueses necesidaes".

P'Andecha Astur ye imprescindible ya urxente l'aprebación del Reglamentu, pero, por embargu, camienta qu'esiste yá regulación enforma comu pa que la so aplicación se produza darréu, "garantizando a les presones con discapacidaes l'exerciciu de los drechos fundamentales reconocíos na Costitución".

Asinamesmo, Andecha Astur empobinó-y al Tribunal Superior una riestra d'actuaciones y obres de calter tantu priváu comu públicu, posteriores a l'aprebación de la Llei de Desaniciu de Torgues Arquiteutóniques, qu'incumplen esta Llei y torguen l'acesibilidá a les presones con discapacitaciones.

Nesi sen, Isabel García afitó que "vamos pedir al Tribunal Superior la paralización d'estes obres y de toes aquelles qu'incumplan la normativa regulada yá por Llei".

Asina, les propuestes concretes son:

1-Torgar el cambéu d’usu de los montes y tarrenos amburaos.
2-Intervenir el preciu la maera quemao, torgando la baxada'l so preciu y pudiendo llegar a la prohibición de la so venta.
3-Collaboración de l’Alministración colos agricultores y ganaderos na llimpieza los montes y l’algame’l pastu, pa torgar los fuegos realizaos col finxu recuperar el pastial.
4-Afitar darréu los alcuerdos afayaízos coles cooperatives forestales y de ganaderos, pa la collaboración d’estos seutores na prevención y desaniciu los incendios.
5-Afitar fuertes restriciones sobro los aprovechamientos nos montes y tarrenos amburaos, llegando a prohibir, según los casos, talos aprovechamientos nuna dómina de dellos d’años.
6-Afitar un sistema de xixilancia nos montes, de 24 hores diaries nos meses de riesgu, apurriendo a la Guardería Rural y al CEISPA cuantos preseos materiales y humanos seyan afayaízos.
7-Iguar les griesques d’usu y propiedá de los montes, dándo-y puxu a la participación vecinal na xestión y aprovechamientu los mesmos.

Paco Iglesias aludió a la «responsabilidá’l Gobiernu autonómicu, que permanez impasible delantre la llaceria ecolóxica que ta teniendo llugar», y rindió, «en nome de toa Asturies, un sentíu homenaxe a los dos asturianos que morrieron intentando apagar estos incendios; dos paisanos que dieron la so vida por defender los montes y la tierra na que ñacieron y vivieron».

Estos actos, consistentes cimeramente na cellebración d’una manifestación el vienres, 7 marzu, n’Uviéu, y una concentración n’Avilés el mesmu díi 8, tienen pa Carmen Pérez, de la Executiva Nacional de la organización d’izquierda, «un calter simbólicu, pero alquieren una gran importancia comu espresión de la xera los coleutivos feministes, que, pasu ente pasu, van algamando la reconocencia social y tan faciendo avanzar a la sociedá haza una mayor igualdá ente homes y muyeres».

Nel so comunicáu, Carmen Pérez califica de «impresentable» que nes puertes del sieglu XXI «el conxuntu les muyeres teamos de soportar situaciones de discriminación llaboral y social, de malos tratos, de violaciones, d’acosu y abusu sesual y, en xeneral, toa triba situaciones inalmisibles nuna sociedá que se diz democrática ya igualitaria».

Lali García, de la Executiva Nacional de la organización nacionaliega, xustifica esta aición afitando que «trátase d’una maniobra pa camudar de fechu l’Estatutu d’Autonomía prescindiendo de la Xunta Xeneral, col despreciu a la voluntá popular qu’ello apareya».

Arriendes d’ello, al traviés d’esta vía tórgase la camuda d’otros artículos del Estatutu, que «apareyaríen una reforma fondera que los partíos políticos de la Xunta Xeneral nun deseen».

Pa Lali García «hai de finar con esta triba práutiques y maniobres polítiques que nun fain más que dar la razón a quienes talanten que la Xunta Xeneral, a la fin, nun val más que pa enllenar les corexes de los sos diputaos y diputaes».

La organización d’izquierda pidió, tamién, la prohibición del allugamientu de nueves istalaciones d’esta triba nel conceyu, incluyendo la conflictiva llinia ellétrica Soto-Penagos, altricando que «n’otres fasteres del Estáu, comu por exemplu en Nafarroa, lleven enterrando les llinies d’alta tensión dende hai tiempu abondo».

Na moción presentada al Ayuntamientu, Andecha Astur afita que, con esti sistema, al espaciu qu’hai de tener en casa habría d’amestase-y «el xorrecimientu la contaminación producida pol usu’l coche y el consumu gasolina, ensin cuntar con que non tol mundiu tien coche pa poder llevar la basoria fasta la planta reciclax».

Andecha Astur aprovechó esta moción pa pidir al Ayuntamientu l’usu de papel recicláu en tolos sos llabores alministrativos.

Arturu Gómez, voceru de la organización nacionaliega, afitó qu’esta propuesta pretende «torgar los continos ataques y discriminaciones que carez la llingua asturiana y garantizar los drechos democráticos de los y les asturianu falantes».

Asina, la propuesta recueye’l drechu de toa presona a ser atendía n’asturianu pola Alministración, la escritura n’asturianu de tolos indicadores, señalizaciones, cartelos, yaeso, nes carreteres, cais y dependencies públiques, la recuperanza’l nome tradicional de les poblaciones, llugares, pueblos y cais del conceyu, tanto nos cartelos señalizadores comu nos mapes y planos oficiales, el desaniciu de cualisquier discriminación haza la utilización del asturianu nos reglamentos, actes, plenos y comisiones municipales y la espublización en llingua asturiana de tolos bandos, ordenances, boletines, folletos, propaganda, documentos, yaeso, asoleyaos pol Ayuntamientu.

P’Arturu Gómez «ye un deber ineludible de toles alministraciones y, poro, tamién de los ayuntamientos, el desaniciu de toles discriminaciones que puea carecer cualisquier ciudadanu o ciudadana por utilizar la so llingua".

Presentación del llibru «Llingua y Rock»

La presentación d’esti llibru, al que se-y amesta un CD entituláu «Sáca-yos la llingua», tuvo llugar nel Centru sociucultural de Les Vegues el pasáu mes de febreru y cuntó con una numberosa presencia públicu

. «Llingua y Rock» ye un llibru editáu por AYDA y fai un recorríu pela hestoria los grupos de rock asturianos que cancien n'asturianu. Darréu d’ello, al llibru améstase-y un CD nel que puen escuchase pieces musicales d’estremaos grupos de rock asturianos, costituyendo un documentu musical de gran valir hestóricu.

Nesti actu cuntóse cola presencia l’autor del llibru, Xulio Elipe, y de representantes d’AYDA y La Llóndriga, qu’espunxeron al públicu asistente los sos oxetivos y la so xera.

Lloñe de dar marcha atrás, tantu los miembros de la Mesa comu los vecinos y vecines afeutaes poles esplotaciones a cielu abiertu, anunciaron la so intención d’intensificar les sos aiciones y continuales «fasta finar col desfarrapamientu ecolóxicu qu’apareyen». Pel so llau, los vecinos y vecines de la fastera tampoco dexaron llugar a dubies cuandu alvirtieron a la empresa Hunosa «que tea curiáu porque tamos fartucos y decidíos a armar xaréu abondo pa torgar la entrada les máquines nes nueses finques».

Pa la Mesa hai dos víes afayaíces y complementaries, la movilización popular y les midíes llegales dende los Ayuntamientos «porque si bien nós tenemos de salir a la cai y presionar, tamién los Ayuntamientos tienen de plantegar les midíes xudiciales que los vecinos y vecines, por xides económiques, nun son a llevar alantre».

Tantu Andecha Astur comu la Mesa camienten que «yá llegó la hora de paralizar definitivamente cualisquier esplotación minera a cielu abiertu, porque nun vamos siguir tolerando qu’estrocen la nuesa tierra y mos roben fasta los apellíos».

Darréu d’ello, dende dambes organizaciones pidióse a tolos pueblos afeutaos «la so xunión escontra l’enanchamientu de La Matona y La Mozquita», asina comu «la so participación nes movilizaciones que se convoquen, porque ye'l futuru lo que ta en xuegu