Comunicáu d'Andecha Astur en rellación colos acidentes caberos na minería asturiana.

 

1º Reiteramos la nuesa denuncia de les graves deficiendies qu'en materia de seguranza se dan na minería asturiana, y más concretamente n'Hunosa, con responsabilidaes nidies nos inxenieros, téunicos encargaos d'esta tema y los Delegaos y Sodelegaos Mineros de Seguanza.
 

2º Denunciamos el silenciu cómpliz y la dexación de funciones de determinaes direiciones sindicales que nun pudiendo desconocer inregularidaes comu les que vienen darréu, toleren y permiten la so continuación nel tiempu, colos resultaos conocíos:

2.1 Son munchos los trabayadores de les mines asturianes que lleguen a trabayar fasta 17 hores seguíes en trabayos perpelligrosos ye ne "fondos de sacu" comu son los soniveles.

2.2 Que son precisamente estos trabayadores los que dempués de facer les xeres propies "disparen" ellos mesmos, cuandu debiera faelo l'equipu especializáu en disparu del que dispón Hunosa.

2.3 Que la empresa concesionaria encargada de revisar los equipos llétricos (fundamentales anguañu na actividá minera y responsables en munches ocasiones de los españíos de grisú), emplega peones encuentes d'oficiales de 1ª en tales revisiones (escontra lo esixío normativamente).

Dende Andecha Astur sabemos qu'estes non son les úniques inregularidaes esistentes, y que les referíes son del dominiu públicu ente los trabayadores mineros, pero talantamos que ye imortante resaltales pa espresar la gravedá de les mesmes, la evidente rellación cola siniestrabilidá minera y l'actitú de les direiciones sindicales, nun sabiendo si sedríe pior el que lo inoraren, o que conociendolo lo permitieren

Por todo ello, Andecha Astur desixe:
 

1º- La imediata dimisión de los responsables d'Hunosa en materia de seguranza.

2º La imediata dimisión de los Delegaos y Sodelegaos Mineros de Seguranza, representantes sindicales lliberaos por Hunosa con las únicas funciones de velar por la seguridad en las minas, y por lo tanto conr esponsabilidaes direutes y non delegables en tolo rellacionao cola siniestrabilidá nes mines; siendo inescusable dafechu y urxente la de talos Delegaos y Sodelegaos Mineros de Seguranza nos Pozos afeutaos polos acontecimientos caberos, al atalantar que ye evidente'l so fracasu nel exerciciu de les sos funciones -a la vista tan los resultaos- y que ye la única manera de forciar a Hunosa tomar midíes series al respeutu.

Nel mesmu se, queremos comunicar qu'anguañu los nuesos servicios xurídicos tan estudiando la posibilidá d'enanchar la querella del "Casu Nicolasa" a los caberos "acidentes", con especial mención de los aportaos de nueu en el Pozu Nicolasa..

Pa finar, nun queremos dexar ensin denunciar el papel del Ayuntamientu Mieres en toos estos fechos, que cuntando con una propuesta pa presonase comu acusación particular -por motivos ovios- na querella esistente cola xida del acidente del Pozu Nicolasa nel 95, ainda nun-y avagó posicionase al respeutu, demosando la so indiferencia y falta de sensibilidá que nun ye a atalantase si nun ye comu espeyu de loq ue ta aportando na minería asuriana, y partiendo de la rialidá de qeu'l binómiu PSOE_IU que gobierna nel ayuntamientu mierense, tien el so reflexu na minería asturiana nel SOMA-UGT y CCOO, de tala miente que, delantre la evidencia de les implicaciones sindicales nestos sucesos prefieren permanecer al marxe de los fechos, escaecer les sos responsabilidades de conceyu y continuar ayenos a una situación que, quieranlo o non, afeuta-yos de mena direuta dafechu.
 

Llamentablemente, estos tráxicos y recientes acontecimientos perafitent oles nueses denuncies rializaes fasta agora, y confirmen la nuesa tesis de que'l filu conductor que desplica l'alta siniestrabilidá de los años caberos na minería asturiana nun ye sinon que'l frutu del incumplimientu de la reglamentación en materia de seguranza y la falta de medios humanos, téunicos y económicos, y non el "azar" o "la amla suerte", comu pretenden xustificase los estamentos implicaos.