Andecha Astur entrevistaráse güei col Alcalde de Bimenes, hores enantes de que se trate nel plenu la nuesa propuesta d'hermanamientu con Miranda del Douru.
 

 

 Güei, miércoles 7 d'ochobre, l'Alcalde de Bimenes va recibir a una representación d'Andecha Astur, a les seyes de la tardi, que van solicita-y la tramitación y aprebación de la propuesta rializada hai dellos díes sobro l'hermanamientu cola villa portuguesa de Miranda del Douru. En rialidá, la propuesta de tramitación ya foi almitía, darréu qu'esi mesmu día, a les 7 la tardi, tendrá llugar un plenu de conceyu nel que se debatirá y votará esta iniciativa.

Dao la trescendencia de la prouesta, solicitaremos al Alcalde, nel conceyu citáu, que con calter previu al debate, permita a dalgun miembru d'Andecha Astur la presentación de la iniciativa en Plenu, asina comu la o xustificación y desplicación detallado, tou ello al amparu de lo dimpuesto nel artículu 228.1 del Reglamentu d'Organización , Furrulamientu y Réxime Xurídicu de les Entidaes Llocales, que contempla esta posibilidá nel casu de que dalguna asociación o organización política tuviere intervenío comu interesada na tramitación alministrativa propuesta.

Esperamos que la propuesta d'hermanamientu aporte a bona fin, y que'l conceyu de Miranda aceda a la mesma, pa lo que yá adelantramo que fadremos por entrevistamos tamién col so Alcalde nuna prósima visita que rializaremos al Ayuntamientu d'esta población lusitana.