L’autu de la xuez tien notables consecuencies procesales. Ordena nueos testimonios y otres dilixencies que, van a da-y muncha más fondura a la causa penal que se sigue pola traxedia del pozu Nicolasa.

 
De magar agora, arriendes d’Abellán, tan inculpaos los inxenieros que taben al frente la esplotación y de la seguranza de Nicolasa, el téunicu responsable o representante llegal de Satra –la empresa de la socontrata xeca-. El Xulgáu emplazara a les empreses pa qu’especifiquen quien yeren los responsables de les llabores d’Ablaña hai tres años.

Comu se recordárá, Andecha Astur foi la única organización que defendió dende un entamu la necesidá de depurar les responsabilidaes llegales d’esti acidente que supunxo la muerte de 14 mineros, presentando una denuncia a los seyes díes del socesu, ya impidiendo que’l casu fora zarráu cola so presencia nel xulgáu, delantre la inhibición dafechu de los sindicatos SOMA-UGT y CC.OO, que pasaren d’una postura percrítica y ridiculizaora de la denuncia presentada por Andecha Astur a amestase a la querella que llueu presentaría Andecha Astur, presonandose con un mal calcu de la mesma.