Andecha Astur refuga la política de sovenciones de la Conseyería de Cultura pa la campaña d'esploraciones y escavaciones arqueolóxiques de 1988
 

Andecha Astur quier faer pública la so refuga a la política de sovenciones de la Conseyería de Cultura pa la rialización de la campaña d'esploraciones ya escavaciones arqueolóxiques de 1988 n'Asturies (BOPA 18-5-98), por varies xides:
 

1) Del total de 5 millones de ptes. destinaes a esta fin, concedese 1.650.000 ptes (la tercer parte del total) a los arqueólogos de la Universidá d'Uviéu, mentes que'l restu, 3.350.000 ptes correspuenden a arquólogos dependientes de les universidaes de Salamanca, Madrid y Cantabria. Esta circustancia pond e manifiestu la nula promoción de la investigación arqueolóxica rializada pola Conseyería de Cultura na Universidá d'uviéu, lo que xuncío a la escasísima, por nun dicir ridícula, dotación presupuestaria d'esti apartáu, da llugar a una absentismu xeneralizáu ente la mayoría de los arqueólogos asturianos. Estos dos faturoes son los causantes, al nuesu xuiciu, de que la Universidá d'Uviéu lleve namás que la tercer parte de les sovenciones.
 

2) Frente a lo prometío pola Direutora Rexonal de Cultura de "llevar a raxatabla'l principiu de qu'una mesma presona nuntea más d'un yacimientu pa escavar", vemos qu'esisten varios arqueólogos con dos o más sovenciones concedíes pa estremaes escavaciones. Estes sovenciones proceden de la Conseyería na so totalidá, o bien de la Conseyería y de los ayuntamientos, datu esti caberu que-y costa a la Direutora Rexonal.
 

3) El reparto d'estos fondos faise de mena caprichosa y atendiendo a xides non siempres lligaes a criterios oxetivos, ensin escluyir ente elles la filiación política de los solicitantes. asina, vemos comu s'amenorguen drásticamente les cantidaes solicitaes, nunos casos, ensin xides qu'aparentemente lo xustifiquen, o s'incrementen estes cantidaes n'otros casos, cuandu conócense sobradeamente les estremaes sovenciones, procedentes d'otres istancies, recibíes polos solicitantes.