La organización nacionaliega ANDECHA ASTUR vien de meter una moción nel ayuntamientu uvieín na que se-y preca tome les medies afayaíces pa evitar que se faigan obres onde s´usen ellementos fabricaos con PVC, tamién se-y preca la publicación d´un bandu informando a la ciudadanía de la nocividá de dichu productu.

N´ANDECHA ASTUR, creyemos qu´esti ye un mandau más del ayuntamientu, que debe de curiar de la salú y´l bienestar de los ciudadanos y ciudadanes, y polo tanto tien la obligación de caltenelos informaos de tou aquello que pueda ser nocivo o perxudicial y lluchar por evitalo, poniendo pa ello tolos medios al so algame.