Tres l arialización del estudiu encargáu por Andecha Astur sobro la contaminación lletro-magnética xenerada peles llinies d'alta tensión nel conceyu Llangréu, y por mor de la trescendencia de los sos resultaos -superando en dellos de puntos fasta 30 vegaes la llende de 100 nanotesles de magar del que se considera nocivo pa la salú humana), rializarense diversos aconceyamientos colos vecinos afleutaos por estes llinies d'alta tensión, aportándose al determín de solicitar al Ayuntamientu de Llangréu l'aprebación d'un Plan de soterramientu de los tendíos llétricos nel conceyu, en collaboración coles compañíes llétriques afleutaes y col gobiernu del Principado. Cola inclusión obligao en talu plan de:

Nel escritu presentáu al ayuntamientu facilítase al mesmu l'informe sobro les corrientes magnétiques y llétriques en Llangréu rializáu por Andecha Astur, asina comu una riestra d'estudios científicos sobro la repercusión na salú de les llinies d'alta tensión.

Asina mesmo, recuerdase-y a la corporación del conceyu que la Xunión Europea tien ellaborao una Direutiva (la 97/11/CE) acabante d'ellaborar, sobro esta y otres materies con incidencia nel mediu ambiente, que sedrá d'aplicación obligatoria en marzu de 1999.

Per otru llau, Andecha Astur va intensificar nes prósimes selmanes la campaña de concenxación social respeutu a la perxudicial aición sobro la salú de les llinies d'alta tensión y la necesidá del so soterramientu, y tien previstes diverses actividaes en collaboración colos vecinos afleutaos de les que diremos dando cunta darréu