Andecha Astur considera escaso la ufierta de cursos de conteníu asturianu na programación de la Universidá Popular pa esta seronda.
Asinamesmo denuncia’l tratu folclorista dau a la llingua asturiana.

Esti distanciamientu de la UP respeutu a Asturies y a la nuesa rialidá cultural, pesia nun ser nueo, supón un reafitamientu de la mesma na so disvinculación pa con Asturies, y pon n'eviencia la falta de volunta esistente na corporación de conceyu, responsables caberos a la fin y al cabu, a la hora de comprometese cola rialidá asturiana.

D'otra miente, queremos sopelexar el nuesu esmolecimientu y refuga pol tratu dialeutal y folclorista dau a la nues allingua nos "trípticos" de la Universidá Popular, nos que namás apaecen dalgunos de los testos en llingua asturiana, incumpliendo un requisitu básicu de cualisquier situación de billingüísmu, comu ye'l que puean siguise toles informaciones ya indicaciones, en cualisquier de les dos llingües, lo qu'agora mesmo ye imposible tener acesu a la información facilitada nel trípiticu usando únicamente la llingua asturiana. Con ello lo único que s'algama ye un llaváu d'imaxe de la U.P. y en rialidá dase un tratu discriminatoriu pa tolos asturiano. parlantes y pa la nuesa llingua en xeneral, que vese relelgada a la condición de "detalle simpáticu" y non de llingüa de tresmisión de información.

Ello asina, Andecha Astur presentó nel ayuntamientu xixonés un escritu nel que s'esponen les citaes crítiques y nel que se pide a la corporación un replantegamientu xeneral de la filosofía d'actuación de la Funadación Municipal de Cultura, Educación y Universidá Popular nel que se vea espeyao un compromisu col entornu sociocultural y xeográficu nel que mos alcontramos, que ye Asturies.