Poema (Speranca Di Ahos Ku Di Amanha)

From: "Umaro Djau"
To: guineabissau@list.forward.net
Subject: poema (Speranca Di Ahos Ku Di Amanha)
Date: Tue, 11 May 1999 18:26:33 PDT

Speranca Di Ahos Ku Di Amanha

Nha oredjas pupan disna
Nha udjus badja-badja disna
Nha dintis trimi-trimi disna
Nha naris tchera kasabi disna badja
La na kil terra di nudadi, na kil Guine nando

Sol n’abri udjus divagar
Ceu gasidjanta coitadis
Ma chuba prenha dur
I lu-n’ga ku strelas na purfian n’utru
Na bas di jemberen di nhu timba

Ma ahos bardadi dita kal-la
Faisca limbe lala fep
Bulanha di sal secudjantadu
Matu limpusadu ku fugu d’speransa
La na kil reinansa di aonti, na kil Guine di aonti

Sico ku tonkoron tocadu na bantaba
Bumbulun ku tambur tchoma fidjus balentis
Noba bentiadu na bentem...no sukuta!
Jumbai kumsa sin fala malgos
La na kil tchon ki nega badja si fidjus

Parcin kuma Guine na para tchora si sofrimenti
Ma si fidjus carga djon cagu inda
Ate ki lagrimas bentia ku bentu
Ate ki sunhus floreci speranca di ahos ku di amanha
Ate ki no almas torna gasidja na sombra di paz...AMPUS!

Umaro Djau
Muncie, 10 de Maio de 1999