Tambe Caruso a graba hasta un disco bao di e sello: Disco Caruso, riba e disco aki Caruso a canta dos cancion cu ta: "Soul Macusa" y " Soul Train" tambe riba e disco aki ta aparece cantantenan di agrupacionan tipico di Aruba manera: Choyan Winterdaal, Ety Toppenberg y Trio Huasteca, Trio Los Romanticos, y Grupo di Dande di Harry Croes.
Despues cu Caruso tawata sufriendo un quebrante fuerte di salud entre 1989 y 1990, Caruso a fayece na October di 1990 na hospital na Corsow, Caruso a laga atras su señora Sira y su cuatro yuinan, Alice,Diana, Zaidee y Hubertus.
Esaki tawata un noticia hopi tristo pa henter Pueblo di Aruba, como cu nan locutor stimá a bay sosega, e vos cu tawata haci tur hende contento atraves di radio, cu tawata resona tur caminda ora e ta dilanti e microfoon, no tey mas.
E entierro di Caruso a tuma lugar na Aruba.
Despues di fallecimiento di Caruso, e esposá di Caruso, Sira Booy a tuma e maneho di e emisora, y sigui cu e vision cu Caruso a laga atras pa e keda e mesun emisora popular di Pueblo di Aruba.
