VESPERA LAŬDO |
Verkis (pole) : Franciszek KARPIŃSKI, 1786
Esperantigis : César David VON GOSTOMSKI and Adolf BURKHARDT, 20th century
Fonto : AK 244 (= Ad 169)
Ĉiuj aĵoj tagaj, ĉio
nun ĉe Vi ripozu, Dio!
Dum ni dorme ne laboras,
Vin eĉ niaj sonĝoj gloras.
Niajn pekojn tre sincere
ni bedaŭras, kore, vere.
Ho, kompatu nin, Sinjoro!
Tiel vokas nia koro.
Konfidante la Savanton,
levis ni vesperan kanton.
Nun ni preĝas por aliaj,
baldaŭ dormos jam trankvilaj.
Gardu nin en ĉiu horo;
zorgu nokte, ho Sinjoro;
super ĉiuj hom-infanoj
verŝu benon Viaj manoj.
En ĉielaj vastaj haloj
iam sonos la ĥoraloj
al la Triunu' mistera,
sankta kaj senlime vera.
Rim.: En Ad la muziko mankas.
Melodio : PIEŚŃ PORANNA
Komponis : T. KIEWICZ
MIDI AK* (rapide)
MIDI AK* (malrapide)