SIMPLA FIDO
|
Jesu-Kristo Amas Min
Jesus loves me
Ĉinlingva versio
Verkis (angle) : Anna Bartlett WARNER, 1860
Esperantigis : Montagu Christie BUTLERFonto : HE 262
Jesu-Kristo amas min,
La Biblio diras ĝin;
Al li apartenas mi,
Feblas mi, sed fortas li.
Jes, li min amas! Jes, li min amas!
Jes, li min amas! Jesuo amas min.
Li min amas! Kaj por mi
Sian vivon donis li;
Loĝos li en mia kor',
Lavos ĉiun pekon for.
Jes, li min amas! Jes, li min amas!
Jes, li min amas! Jesuo amas min.
Li min amas! Scias li,
Ke malforta estas mi;
Ĉiam li subtenos min,
Protektados ĝis la fin'.
Jes, li min amas! Jes, li min amas!
Jes, li min amas! Jesuo amas min.
Li min amas! Restos li
Tutan vojon apud mi;
Se mi vere fidos lin,
Al ĉielo prenos min.
Jes, li min amas! Jes, li min amas!
Jes, li min amas! Jesuo amas min.